在大除夕的晚上，我參加了好友兼我出嫁時的MC的婚宴，沒想到好選擇呢個咁特別的日子出嫁，當日我剛好白天時間返兼職，收工後便到場出席婚宴，唯一可惜沒有見証她在下午的婚禮，當年我的花球拋咗俾佢，佢依家嫁得出，我當年的花球終於完成任務:P
Candy coner雖然簡單，但每個賓客最想睇應該係枱面的相簿~~~
呢個宴會廳擺廿圍酒，可能圍數唔多，所以我們其中一位共同朋友（她的中學同學）都沒有被邀出席，三年前我們還有一位朋友分開三圍出席我副學士時當兼職的同事婚宴~~~
今次結婚的老友在預科時中化補習班認識，我們幾位跟補習班導師梁頌佳成為好友團，每年都有一聚，可惜近年梁sir的家父身體唔好，他花時間照顧長輩，婚宴後在whatsapp知道他家父離開，感覺有點難過，希望梁sir的身體健康點，聽有私下約他見面的舊同學說他瘦了不少>.<
每枱都有花的裝飾外，還有不少酒杯，我在空肚情況下飲了白酒和香檳，在上菜前的一刻突然感到wing wing 地= ="
好在有大量的茶可以飲，飲咗好多，加上食咗餸和去了幾次洗手間，個人冇乜事，只是感覺很累~~~
鴻運乳豬全體和XO醬花螺片蝦仁~~~
芝心脆蝦丸和珊瑚玉環甫，個芝心丸好熱，當然裡面的流心都超熱，要小心吃~~~
竹笙海皇燴燕窩和鴛鴦鮮鮑片~~~
當好友散酒時當然乘機自拍留念，還記得那些年四妹學琴，我因為想慳父母的錢，找了好友用友情價教琴一段日子，當時我跟她的家人差不多每星期都見面，有次感覺悶幫佢屋企清潔廚房，相信好少朋友會有這個特別的友情服務:P
清蒸沙巴珍珠龍躉和南乳吊燒雞~~~
薑白瑶柱蛋白炒絲苗和野菌鮑汁炆伊麵，其實每次晚宴我都唔食飯和麵，因為我怕距離睡覺時間太近而未能消化，另外我本身已經自備餐盒，留在第二天午餐食~~~
蛋白杏仁茶和鴛鴦美點，剛好當日返工時間用了保溫壺裝午餐，所以我用保溫壺放了自己和身邊已經離席的三位朋友的糖水和糕點給陪我倒數的摯友，其實碗的size唔大，如果女士去呢晚宴係OK，如果係大食的男士去，我相信有可能唔夠飽:P
每次出席飲宴最開心係分享好友的喜悅，聽到好友在台上哭著說身邊的朋友怕她嫁唔出，其實是她本身又靚又叻，身邊的朋友成日怕她搵唔到好男人而已，今次見到有個對佢超好的老公，真係感到好開心，而且我相信她嫁咗都會繼續用心做身邊朋友的好"大妗"，因為她嫁之前不足兩個月還幫身邊出嫁的朋友做姊妹=]
以下是我們的FACEBOOK專頁連結，裡面會有一些昕昕的生活照片和不同資訊分享^^
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：
如有任何Blogger活動邀請或試用，可以聯絡我的電郵：
mandylau55@gmail.com
沒有留言:
張貼留言