前晚跟昕昕外公、外婆和阿姨等人一起提早做冬，二姨提議到屯門市廣場的名苑晚餐，不過最不幸係佢book咗枱但佢病咗冇份食，相反昕昕就好開心，除咗可以跟外公、外婆相處，仲可以四圍影相(^_-)
我和昕昕四姨兩個負責點菜，睇見價錢就有點汗顏，當我地點菜後就估算價錢外，重要的事情就係用whatsapp搵我地最偉大的另一半幫忙兩位負責找數的孝女，諗起呢餐要一千蚊找數，每人夾五百唔搵外援係唔得ga(>﹏<)
其實我跟昕昕四姨一起入去時就見到小食，有點餓的我們當然吃了些，感覺好食，跟出面買的價錢差不多，但感覺好過出面買果d(^_-)
點餐時我極力要求燒鵝，因為平時成日晚餐食雞的我極想試吓少吃的食物，好在昕昕四姨食咗都叫好，否則我會捱轟(￣∇￣)
個燉響螺湯好好飲，昕昕婆婆大讚夠火喉~~~
雖然餐牌冇蒜蓉炒豆苗，但餐牌寫果款豆苗我地冇乜興趣，埋單才知要$98，不過我食果陣咬到有d沙的感覺~~~
呢個花腸豆腐都係$98，感覺好似抵dd，不過因為後上，我地開始飽飽地，只好俾$1拿膠盒給昕昕爸爸當宵夜食~~~
燒鵝和蒸斑係一個餐，$408，d魚肉好滑，但我們一眾女士太飽，昕昕外公負責食晒半條魚~~~
最後敬送每人一碗糖水，但我一向唔喜歡食中式糖水，打算環保d拎走，點知職員話因為免費送，所以唔俾拎走，最後剩下三碗完全冇飲，做咗大晒鬼，其實職員可以問咗我地有幾多人食而拎俾我地，搞到有三碗當垃圾咁掉好浪費，每次去婚宴我都會搵糖水盒裝俾昕昕爸爸和大廈看更叔叔食，雖然浪費器皿，但總好過浪費食物！
之後我地齊齊去影迪士尼公主，近期昕昕開始越來越喜歡影相，我終於少咗煩惱*^O^*
其實屯門市中心有四個商場可以影卡通人物，由於昕昕太累，只係去其中兩個~~~
依家佢仲開始擺指定pose，雖然唔係百分百一樣，但感覺算神似~~~
屯門市廣場係最大型，不過另外三個商場都有不同的卡通佈置，所以行屯門真係可以滿載而歸(^_-)
錦薈坊~~~
屯門時代廣場~~~
Vcity~~~
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：
我的護膚品分享：
如有任何Blogger活動邀請或試用，可以聯絡我的電郵：
沒有留言:
張貼留言