在剛過去的聖誕假期老公出錢請兩大長老去澳門，我和昕昕第一次跟兩大長老旅行，上次昕昕爸爸在昕昕半歲時請兩大長老去英國，搞到我有四日三夜全職照顧昕昕，好在果陣的昕昕瞓得多，否則我都怕自己搞唔掂(￣∇￣)
講返今次的旅行，我地只係逗留澳門三十個鐘左右，第一日在中港城大家樂午餐後就上1330開的船。
之後老公帶住我地去酒店check in，兩大長老就休息，而我地一家三口就去官也街轉車到童軍總會，之前我地冇留意當地童軍總會的物品供應處星期一休息，所以我地決定星期二去多次。
今次我們入住在澳門氹仔的麗景灣酒店，稍後才分享我們的住宿體驗。
去到氹仔的朋友肯定會去官也街，因為呢個係氹仔的地標，唔去就感覺少咗D野咁~~~
以下分別係鉅記和咀香園的特色:P
黃昏時我地坐酒店旅遊巴去新八佰伴附近步行到沙利文餐廳晚餐~~~
我地一家三口和兩大長老食咗葡國咖喱和炒飯加一碗白飯，最後點埋木糠有甸就埋單~~~
之後我地行到澳門郵政總局附近的地方影燈飾，順便去鉅記試食杏仁餅~~~
昕昕爸爸唔係好識抱小朋友，所以仍負責拎袋:P
民政總署裡面影相都幾好睇=]
八佰伴外有BIG HERO 6的佈置~~~
裡面好多層都有熊貓=]
第二日早上我地就在酒店食早餐~~~
如果係集郵的朋友就要試吓入去幫襯郵資標籤機，以前香港郵政總局都有一部，在2007至2008年我進修課程落堂後就好喜歡入一蚊印10張郵資標籤，依家澳門最少要一蚊一張^^"
我地去埋天主教堂參觀~~~
行多一會就到大三巴影相，喜歡Pochacco的我當然會帶住公仔去旅行~~~
另外果對熊公仔係幫昕昕的四姨換的:P
我地苦等到12點，終於等到Hello Kitty手信店開門啦~~~
裡面的產品種類有不少，意想不到係內地遊客係拎住張手寫清單去
由於今次旅行身上冇乜錢，所以只係買咗曲奇餅俾屋企人做手信~~~
之後我地行返去新八佰伴附近等免費接駁巴士去澳門銀河行吓，大家記住呢個路位~~~
原來免費接駁巴士上而有免費WI-FI上網，我就乘機FACEBOOK簽到:P
澳門好多娛樂區都有免費接駁巴士到碼頭和其他地方，雖然我會好奇咁行入賭場拎支免費的水來飲，但我對賭博活動冇興趣:P
我地主要去咗美食坊午餐~~~
其實價錢唔算平，如果想有免費WI-FI和美食坊的飲食折扣就要申請成為澳門星河的會員，費用全免~~~
我地一家三口就食咗B餐，而兩大長老就另外買咗一碗麵，美食坊的麵碗好大，份量倒不少，如果兩個人夾份食都算價錢OK~~~
裡面的戲院有不少的電影宣傳佈景~~~
我地離開澳門星河之後行返去官也街，我和老公帶昕昕去童軍總會，而兩大長老就小休和買手信，最有趣係見到印了旅遊達人的可口可樂，我用$5買咗~~~
我地一家三口上巴士~~~
澳門童軍總會真係好細，跟香港的比較相差好遠，而且當地的紀念章每個最少要$20，好在香港的紀念章最少$3-$5都有交易~~~
這裡比較吸引係LEGO模型~~~
老公返官也街接兩大長老，我就帶昕昕返酒店邊上網邊等佢地~~~
在時間最緊迫的情況下我要求老公帶我地去威尼斯人一次~~~
沒想到昕昕去到時已經睡著了，希望將來她再有機會到此一遊~~~
去碼頭前發生小插曲，就係火爆的我事前冇留意時間，在找免費接駁巴士去氹仔碼頭時老公只係好趕忙咁樣，到咗個站見住幾班去港澳碼頭的免費接駁巴士開都未有一班車到，老公講到會上唔到船咁，搞到我發咗脾氣，最後上的士，好在用咗大約$50，去到碼頭時所有人都在碼頭外排隊等候......
經過今次的事件，老公話寧願去上環搭船去港澳碼頭都好過去氹仔碼頭= ="
去程時昕昕剛好午睡，回程時因為睡著而喊，我和老公就輪流抱住佢行來行去= ="
今次去澳門之旅跟2009年的三日兩夜之旅比較真係感覺不同，之前那次老公帶我行咗好多地方，有上纜車、去媽閣廟和黑沙灣，逗留威尼斯人晚餐和閒逛，但今次感覺似平時行街咁，唯一感到開心係帶昕昕去一個她未去過的地方，相信佢長大後都未必記得:P
以下連結係我們的FACEBOOK專頁，裡面會有一些昕昕的生活照片和不同資訊分享^^
我的網誌~~~
如有任何Blogger活動邀請或試用，可以聯絡我的電郵：
沒有留言:
張貼留言