2017年4月21日 星期五

實習爸媽之旅 @ 海洋公園「親親動物月2017」

在復活節假期的第三日,我們去咗海洋公園,今次昕昕爸帶嫲嫲,我帶昕昕,另外仲有細姨和男朋友仔六個人一齊玩,昕昕依家要用兒童票,嫲嫲就用憑長者卡免費入場,原來除咗生日入場的人士外,長者入場都可以得到園內優惠券=]



海洋公園將於「親親動物月」推出一連串嶄新教育體驗,讓遊人能更親近大自然及學習園內動物大使的有趣知識,了解公園於動物護理及保育工作上的努力和成就。今次的海洋公園之旅意外地成為昕昕細姨和男朋友(哥哥)代入父母的角色去照顧昕昕,我呢個做媽媽的可以間中稍為休息:P

我們第一站遊海洋奇觀,我們一開始已經被海星和魔鬼魚吸引了~~~


昕昕好喜歡這裡的海洋生物,而哥哥更彎腰跟昕昕觀賞海洋生物,唔講都唔知原來呢度的魚缸玻璃有68cm厚~~~


之後我們就坐海洋列車去亞洲動物天地,好在趕及跟動物護理員了解蜜熊的生活和近距離拍照留念\(^o^)/



雖然去咗好多次海洋公園,但今次係我們第一次入呢個亞洲動物天地,裡面有巨型蟑螂,仲有食人䱽,細膽的人可能被嚇一跳(>_<)




離開亞洲動物天地發現有個免費玩的水槍遊戲,原本想齊齊玩船,但因為昕昕唔夠高,所以冇玩~~~


跟住我們會合在冰極餐廳的昕昕爸爸和嫲嫲吃午餐,昕昕跟細姨和哥哥等送餐的時間近距離觀賞企鵝,感覺好似一家三口咁(^_-)

由於有嫲嫲的長者優惠,8折後埋單用咗七百幾蚊(冰極餐廳最低消費為每人$100)~~~




午餐後我們去睇海洋劇場,不過我就沒有在劇場後跟動物護理員近距離接觸,因為昕昕爸要帶嫲嫲搭纜車到山下遊兼回家,我要取回嬰兒車,方便供昕昕午睡用~~~



跟昕昕爸爸和嫲嫲分別後,我和細姨就玩飛天鞦韆,上次玩果陣係知道懷孕前不足二十日,其實我好怕玩刺激的遊戲,呢個都算係我的極限~~~


之後我們搭海洋到車回山下,昕昕在BB車熟睡時,細姨跟哥哥去睇樹熊拍拖,我就看管睡在嬰兒車內的昕昕,去到兒童王國時佢知道有得玩就好快起床,我和細姨每人夾$50玩拋乒乓球,可惜最後食白果,中唔到想要的多啦美公仔>.<


昕昕在兒童王國玩,最開心的其實係細姨,因為細姨成日想去玩,但冇小朋友陪而不敢去= ="

 
我們在海洋公園玩到六點幾就返元朗,搭鐵路返去真係好快,一小時就可以返到,我更可以準時跟小學同學在南邊圍食雞煲聚會=]
 
海洋公園地方真係好大,入去一次都行唔晒,買年票應該係最抵玩,依家做緊推廣,一申請可以免費玩多兩個月~~~
 
繼30和35週年,我有機會跟40週年的牌拍照,希望下一個5年昕昕陪我在海洋公園玩到成人機動遊戲^^"



以下係海洋公園「親親動物月2017」簡介

2017年4月14日至5月14日期間,可近距離認識來自海、陸、空的動物大使。專業的動物護理員會在新增的交流活動「動物明星粉絲會」中,於園內不同地點與遊人分享第一身照顧動物的故事及日常相處的溫馨點滴。遊人亦可把握難得時機,參與期間限定的全新環節「約會海獅」,或帶同好友於指定「與動物親上加親」活動享受「二人同行、一人半價」優惠,與動物大使盡享難忘的互動體驗!


「親親動物月」期間更有「動物「碼」拉松挑戰」,遊人於園內景點收集「動物圖鑑」星章及挑戰小遊戲後,有機會參與大抽獎贏取「企鵝全接觸」家庭套票,於海洋公園創造美好回憶!



想了解海洋公園更多,大家可以瀏覽其Facebook專頁:
 

以下係之前去海洋公園的BLOG~~~

http://mandycow.blogspot.hk/search/label/%E6%B5%B7%E6%B4%8B%E5%85%AC%E5%9C%92

以下是我們的FACEBOOK專頁連結,裡面會有一些昕昕的生活照片和不同資訊分享^^ 



生活易推出咗BB成長日記,方便媽媽記錄BB成長片段,我幫昕昕建立咗一個,大家有時間可以參觀=W=


我的網誌~~~
She blog (New)     She blog (Old)
我的飲食分享:
如有任何Blogger活動邀請或試用,可以聯絡我的電郵:

 

沒有留言:

張貼留言