2018年3月12日 星期一

胎盤鈣化有乜好怕@昕昕誕生記

上個月昕昕5月歲生日,本來好想打個詳細的生囡記,點知推到依家~~~

在懷孕38周左右我的產科醫生盧醫生跟我講我有胎盤鈣化的情況,以下是當年的分享,礙於yahoo blog的消失,好多舊照片暫時未能尋回,不過文字的記載能夠保存,倒算是難得~~~
 
 
以下是Week 39的超聲波圖片~~~
 
 

Week 39在荃灣港安醫院做產檢,當日的超聲波檢查見到阿囡輕咗0.1KG,由於我本身胎盤鈣化,加上我想在龍年生阿囡(我的預產期是立春前一天),所以最後決定要在2月1日早上入院催生~~~
 
我不想太早起床,故我跟醫生講好在早上十一時才入院,好讓自己在早上有充足的時間吃早餐和準備一切~~~
 
我最擔心是發生最壞的情況,原來有朋友試過因為催生後子宮開得太少,最後要開刀,因為阿囡的事,自己哭了好一會~~~
 


在2月1日早上入到醫院,工作人員問好多問題,想餵人奶定奶粉奶,如果要餵奶粉奶要那個牌子,我就選了惠氏的奶粉,因為昕昕細姨BB時係用S-26,加上當年好多人搶美素佳兒和美贊臣奶粉,雖然我本身係主力餵人奶,但如果我有任何意外餵唔到,奶粉奶係後備的選擇~~~


在2月1日早上11點半左右盧醫生已經幫我塞一粒藥在子宮,到晚上9點半左右盧醫生見我開了一度,決定幫我塞多半粒藥,在私家醫院催生如果本身在產房待產的人數不多,可以在獨立產房全程待產,不過如果過程超過24小時就要額外收費,果陣我有DD擔心能否在24小時內生到昕昕出來,因為好多人話第一胎需要好長時間才可以順利生產~~~
 
由於唔知幾時可以生,加上唔知有冇需要落滴水藥,我的右手一開始要插定豆豆>.<

 
塞了第二粒藥之後開始加速節奏了,在零晨12點左右我見紅了,睡到零晨兩點幾就感到陣痛,礙於我都痛到傻,姑娘叫我聞笑氣,我聞幾吓差D想暈,之後姑娘話幫我打支針話可以止痛,打完我就可以舒服地瞓多陣~~~
 
到清晨六點左右我就醒咗,大約六點三聽到外面有開門聲,我就突然間穿水,助產士見到就立即幫我call醫生,仲叫佢即刻趕來為我接生,我整個人只是聽助產士的指示,乖乖等醫生來,當我聽醫生來的時候已經忍不住在已變身的產床擺好要生的動作,助產士見到叫我不用急怕踢到醫生= ="
 
助產士叫我一覺得痛就出力,對於一個曾經M痛到暈的我來講一直以來好擔心生BB時會痛到暈,但感恩係我好快就生咗昕昕出來,醫生順利接生昕昕就說早上七時正出世,昕昕一出來就由助產士用手機幫我和昕昕來個合照~~~
 
昕昕由姑娘們抱走後我就瞓著咗,所謂的拉走胎盤、會陰縫合的過程我就感覺唔到~~~
 
講完成個生產過程,相信大家最好奇點解昕昕爸爸完全冇出現,因為昕昕爸爸一直沒有在我身邊待產,只是在家中睡覺,當我穿水時打電話通知果陣佢仲瞓緊,到我生完果陣佢都未出門口= ="
 
到我瞓著時佢就偷影我加代我POST生完昕昕的相到FACEBOOK報喜~~~
 
如果大家遇到這樣的老公,相信一定好想嬲到爆,所以每想起生昕昕的過程我就話俾自己聽我真是個堅強的媽媽,痛時沒有撒嬌,沒有大叫,只是乖乖地生下孩子~~~ 
 
 
在網上尋找了有關胎盤鈣化的文章,原來胎盤鈣化都算正常,或許當時醫生都想我在新年前快點生女兒出來吧!昕昕誕生日在立春前兩天,2月2日出生的她遇上5月5日出生的媽媽,感覺是一種微妙的緣份=]
 

孕晚期補鈣導致胎盤鈣化
 
以下是我們的FACEBOOK專頁連結,裡面會有一些昕昕的生活照片和不同資訊分享^^  

生活易推出咗BB成長日記,方便媽媽記錄BB成長片段,我幫昕昕建立咗一個,大家有時間可以參觀=W=


我的網誌~~~
She blog (New)     She blog (Old)
我的飲食分享:
 

 
如有任何Blogger活動邀請或試用,可以聯絡我的電郵:


沒有留言:

張貼留言