2016年10月23日 星期日

靚太Club X 拉斐特 親子雞蛋仔烹飪學堂 @ 22-10-2016

今個星期好開心可以出席靚太Club的活動,今次係我跟昕昕第二次在拉斐特參與親子活動,以下係上次帶昕昕在同一地點參與活動的blog~~~



雖然拉斐特出名係搞婚宴,不過也開始讓大家到這裡搞小朋友活動,認真的說,地點真的很方便,剛好在地鐵站出口旁邊,遲多幾個月油麻地站的升降機整好,嬰兒車可以方便到地面過馬路到~~~


小朋友活動當然有汽球佈置,昕昕好喜歡,但今日的活動太吸引,佢都差d冇時間去留意佢地~~~


首先我地聽少少製作雞蛋仔的講解,今次活動請了專門製作小食回禮的Ivy媽媽,佢的囡囡和仔仔在是次活動有份做小助手,可以親子一起工作,相信好多媽媽都想試吓(^_-)


每組家庭等待製作雞蛋仔需時,避免等得太久,拉斐特的工作人員安排了一位姐姐幫手搞遊戲,令小朋友們好享受,第一個遊戲係玩彩虹傘,跟住小朋友玩收買佬和拔河,睇見佢地咁投入就知道佢地喜歡玩啦!


終於到昕昕玩的時間,昕昕主要幫手攪拌d蛋漿,今次整的雞蛋仔有士多啤梨和朱古力味,昕昕個人喜歡食朱古力味,望落去佢好似好認真咁樣去整(^_^;)


之後我地就拎住部雞蛋仔機將d蛋漿整做雞蛋仔,記得每邊整熱分半鐘,等d蛋漿可以熟透~~~


昕昕每次整好食物就立即去食,今次仲食晒唔留俾我,上星期整完pizza就即刻食兩件,咁我要考慮俾多d機會昕昕去整食物,因為可以吸引佢的食慾,唔會話唔食(^_-)


活動其間有美味的下午茶招待~~~


但我們因為在活動前食咗午餐,所以我個人只能吃下甜品(>_<)

甜品真係幾好食,期待下次再光臨品嚐=】


昕昕在我食食食的時間去玩手繪,她真的非常喜歡,到走的時候見到有脫危就喊住想畫過~~~


每個小朋友可以收到可愛的扭扭汽球,仲可以玩扭蛋機~~~


不過整個活動能令她玩得最瘋狂係彈跳床,佢成日好鍾意跳屋企張床,今次佢真係玩到連阿媽都唔得閒理= =“


小朋友們還跟姐姐拍照留念,好多謝拉斐特今次的悉心安排,讓小朋友有個愉快的下午(^ω^)


IVY媽媽本身有自家製作結婚回禮,睇見就覺得好特別,如果有給百日宴用的回禮都不錯~~~


今次活動我地每個家庭可以獲得下午茶券,我打算跟閨蜜共享\(^o^)/

拉斐特的KIDS PARTY章程介紹,如果有40人或以上參加,每人要付$190,包括場租和食物,如果係午餐時間進行親子派對,價錢值得考慮,如果搞BB百日PARTY俾小朋友參加,都係個不錯的想法,因為俾多$3500有場地佈置和主持幫手搞氣氛,大人可以專心閒聊,小朋友可以開心去玩,真係一舉兩得~~~


原來成為拉斐特的會員可以參加不同的活動,如果想知道更多可以到佢地的facebook專頁瀏覽~~~


以下是我們的FACEBOOK專頁連結,裡面會有一些昕昕的生活照片和不同資訊分享^^ 


生活易推出咗BB成長日記,方便媽媽記錄BB成長片段,我幫昕昕建立咗一個,大家有時間可以參觀=W=



我的網誌~~~

She blog (New)     She blog (Old)

我的飲食分享:



我的護膚品分享:


如有任何Blogger活動邀請或試用,可以聯絡我的電郵:

沒有留言:

張貼留言