現在才記得整理8月時自己打過的blog草稿~~~
昕昕在8月16日正式開始0900至1630的全日制幼稚園生活，我就可以享受周圍食的生活（因為我幾懶得去煮餸），當日老公放假，所以早餐和午餐都出街食(^_^;)
早餐我地就會合奶奶去佢地至愛的國記，果度d阿姐見到我就話好耐冇見，其實我本身假日會懶床，跟昕昕留在家中，老公和奶奶經常光顧，奶奶跟果度d阿姐好熟架！
不過講起國記真係在元朗多年的老店，還記得自己讀小學果陣跟媽媽去買煎堆等小食，中學時代經常在這裡買炒麵做早餐，到嫁咗就跟老公奶奶吃早餐……
依家國記的粥都keep住街坊價，而且好足料，只係我至愛的煎堆貴咗dd(>﹏<)
睇見d炒麵就諗起中學時代的早餐，其實我好偏食，成日會自己走葱(￣∇￣)
我地叫咗艇仔粥、炸兩腸、煎堆和及第粥(^_-)
我的艇仔粥超多豬肚，由於我只喜歡吃魷魚，所以將所有豬肚夾晒俾老公，而佢就冇食及第粥的豬膶，始終佢知道食得太多動物內臟對身體冇咁好~~~
其實d阿姐埋數主要睇碗和碟的款式來計算，所以及第粥和艇仔粥的碗係唔同款式~~~
到午餐時間我就偷懶，叫老公陪我去Yoho mall II的牛陣打邊爐，平時唔會帶昕昕去，因為昕昕身高超過90cm要收費，如果帶一個只吃雪糕而唔係好肯食野的小朋友去食，我寧願唔去╮(╯▽╰)╭
六月尾跟兩位中學時代的體育科老師在這裡午餐小聚才知道午餐有$69的60分鐘火窩餐，雖然牛肉不能任食，沒有凍飲，但對於食量不算強勁的我來說已經好足夠。
這裡的任食小食倒不少，而且我發現係每次不同，今次驚喜地發現有黑椒腸仔~~~
而蔬菜款式都不少，但我喜愛的雞脾菇卻看不見(>﹏<)
喜歡打邊爐係因為我鍾意烚吓烚吓的感覺，雖然$69餐冇凍飲，但可以任飲熱茶都算是不錯的選擇^^"
以下是我們的FACEBOOK專頁連結，裡面會有一些昕昕的生活照片和不同資訊分享^^
生活易推出咗BB成長日記，方便媽媽記錄BB成長片段，
我的網誌~~~
我的飲食分享：
我的護膚品分享：
如有任何Blogger活動邀請或試用，可以聯絡我的電郵：
沒有留言:
張貼留言