上星期六晚自己搭53號巴士去黃金海岸酒店宴會廳出席小學同學的婚宴，初初以為自己八點半左右到場應該遲到，沒想到還未開席，自從中五重讀那年的謝師宴，原來已經十六年沒有到此晚餐~~~
去到現場先知道舊同學擺酒大約五十圍，除咗有心思的佈置外，更有live band音樂和唱歌，原來舊同學最like許志安和鄭秀文的金曲《唯獨你是不可取替》，每次小學同學聚會只係吹水，其實好少知道大家鍾意d乜(^_^;)
婚宴的candy coner都係果d，不過回禮就比較女性化，係修甲套裝和馬卡龍，小學同學今次娶老婆真係好花心思和金錢，睇圍數和各方面的排場應該有機會過百萬⊙_⊙
由於我比較遲到，所以未能及時拍攝即場印刷的照片~~~
所有食物係上到枱面自己夾，每食了一款菜就有侍應換碟~~~
鴻運金豬全體，食落去夠暖又啖啖好味，皮夠脆、肉夠軟；翡翠花枝玉帶好好食，元貝大大件，我至愛=]
多子玉環瑤柱甫，感覺不錯，如果乾元貝大粒D就更好:P
百花鮮蝦盒，第一次咁樣食，平時見得太多炸蝦球，見到呢款真係覺得易夾又易食~~~
竹笙蟹肉金菰燴燕窩，在開蓋時侍應會拌勻，食落去會感受到蟹肉的味道，一向怕食甜燕窩的我最喜歡呢個方式的燕窩，諗起自己細個時老媽燉甜燕窩俾我食到我忍不住要嘔，我才知道自己唔適合飲中式糖水= ="
原隻蠔皇五頭湯鮑，食落去軟熟又好味，真係好到不得了~~~
上清蒸大星斑時因為我上台玩遊戲，所以冇影相~~~
當紅脆皮雞外脆內軟，最重要係熱上~~~
鮑汁珍菌炆伊麵，我每次到呢個位就停晒，因為我怕食咗會唔夠時間消化，所以只是打包些麵回家~~~
金華鮮蝦炒絲苗和鮮果拼盆~~~
百年好合和永結同心~~~
其實好多人趕住搭旅遊巴而冇食甜品和水果，我就打包咗跟家人分享~~~
今次的婚宴除了以上排場，舊同學靠朋友的關係搵到全城至紅的婚宴司儀阿Bob林盛斌，阿Bob在婚宴上為大家放笑彈，在新人送鮮花給雙方父母時要求三對人錫錫拍照，相信好少司儀會有咁大膽的要求~~~
晚宴完畢舊同學安排8架旅遊巴士接載我們離開，由於我們有同學可以揸車，所以我地留耐d影大合照，阿Bob在婚宴上樂於被集郵，更主動玩自拍，抵佢依家咁紅，其實我在2009年曾經在工作上近距離睇佢做司儀，我相信一個人只要默默耕耘，總有一天會得到認同的=]
事後我才知道BOB係有在Facebook專頁分享當晚的照片，不過佢打錯我舊同學個名，只是打了同音字:P
今次在黃金海岸宴會廳的飲宴食物真係好正，對比上次去香格里拉酒店的婚宴簡直係天淵之別，以下係之前的BLOG分享~~~
以下是我們的FACEBOOK專頁連結，裡面會有一些昕昕的生活照片和不同資訊分享^^
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：
如有任何Blogger活動邀請或試用，可以聯絡我的電郵：
沒有留言:
張貼留言