每年初二中午昕昕都要到大埔新達廣場的潮江春食開年飯，初一去林村跟其他親戚見面，所以呢兩日係昕昕主力拜年的日子，其餘日子我要安排活動俾昕昕(^_^;)
今年新達廣場的新年佈置都幾吸引，如果去睇林村許願樹後可以順便到此一遊(^_-)
昕昕只係好少相，始終佢呢兩日舟車勞頓比較辛苦，佢晨早要坐車到上水見姨婆，之後到大埔午餐，午餐後還要到附近太叔公和屯門外婆家拜年……
今年新年佈置雖然吸引，但換領相關禮物都幾難換，要消費滿$1500才換到環保袋，我們一行十幾人食開年飯只係千二蚊找數，想換都好困難，相對其他商場的推廣真係冇咁吸引(￣∇￣)
跟昕昕爸爸開年飯對我來講係我婚後第二個新年才正式參與，因為我婚後第一個新年在家中坐月，我跟昕昕的利是只係靠爸爸幫手逗回家(^_^;)
昕昕跟我第一次一起到呢間潮江春其實早於2012年5月最後一個星期六的晚上，當晚昕昕爸爸的一位舊同事請我們晚餐，以慶祝新婚之喜，其實在5月18日我因為血紅素低捐唔到血而懷疑懷孕，由於當時在受孕後不足一星期，所以我等到接近經期日子才買驗孕棒驗孕，當晚正是第一次見到兩次紅線的日子……
潮江春主要食上海小食，昕昕今次呢餐主要食小籠包，一食就兩個，皮薄饀又好食，而我就喜歡食豆腐，還有煎釀三寶~~~
但由於職員太忙，所以有部份美食在加甜品時順便加單補回，昕昕食芝麻糕，我就依蛋散，魚肚好味之餘，我連浸魚肚的湯都飲埋(=^･ｪ･^=)
今次豐富的開年飯一如以往由昕昕爸爸的表姐們找數，皆因她們人數多而且高薪一族，印象中其中一位表姐跟昕昕婆婆同年，那邊跟昕昕同輩最細的親戚已經讀緊中學~~~
不過咁都未算驚奇，因為昕昕爸爸有位表姐曾經在我疏堂表弟的小學當校長，有幸呢兩位同輩份的遠親只係做咗兩年校長和學生的關係，我疏堂表弟畢咗業，好在不是近親，否則處境會有點尷尬╮(╯▽╰)╭
每年開年飯都有不同話題，今年主要圍繞昕昕開學的事，感恩係好多人勁讚昕昕乖，無可否認昕昕讀咗全日制幼兒園學會自己食飯而且食得快，還有她本身願意跟可信任的親友去玩，真的令我冇咁辛苦，不過我經常一個人湊佢去街，有時要抱佢午睡就感到吃力，呢個係其中一個令我暫時放棄生第二胎的原因~~~
至於何時再懷孕，我真的要想清楚才決定，因為辛苦的主要是我而不是孩子的爸爸ヽ(`Д´)ﾉ
以下是我們的FACEBOOK專頁連結，裡面會有一些昕昕的生活照片和不同資訊分享^^
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：
我的護膚品分享：
如有任何Blogger活動邀請或試用，可以聯絡我的電郵：
沒有留言:
張貼留言