呢個新年假期話咁快就過了，我就在病和工作中渡過~~~
感恩在新年假期時我睇咗兩套電影，分別去了兩間網上介紹價錢超值的戲院，唔知大家有冇去過呢？
在年三十晚跟好友去了位於旺角的豪華戲院睇晚上11時40分播放的星聲夢裡人，原來旺角港鐵站A2出口行去唔洗5分鐘，感覺幾方便(^_^;)
豪華戲院係舊式戲院，價錢尚算幾抵(^_-)
呢間舊式戲院入場要上少少樓梯，之後上扶手電梯就到影院內，離場全程行樓梯落~~~
整間戲院有兩個影院，當晚去的影院坐位約九百個，三十幾行，就算在任何日子入場睇電影都唔會坐滿人，所以買票後若發現唔合心水，坐到最後都沒有人規管~~~
講返套電影，個人本身鍾意睇歌舞劇，所以睇落唔會悶場，但感覺結局唔夠美滿，男女主角雖然達成夢想，但是......
呢套電影的男女主角都在追夢，但我好欣賞男主角為愛情的付出，如果有日我遇上這樣為我的人，相信我的人生會有很大的煩惱~>_<~
以下是預告片段~~~
以下是網上評論，含劇透~~~
以下是網上有人將這齣電影跟其他值得懷舊的歌舞式電影相似情節做的總結~~~
如果大家有安裝woov電話apps更可以慢慢回味電影內的歌曲~~~
真心覺得帶小朋友去呢間戲院睇戲都唔錯，特別係昕昕呢個得94.5cm高的小朋友可以免費睇，帶佢入去霸多個位坐都唔怕Y(＾_＾)Y
**戲院沒有小食部，大家可以有任何食物入去食，但記得保持品德，唔好令清潔人員辛苦呀！
以下是戲院場次的網頁：
在年初五的早上我帶了昕昕去屯門的巴黎倫敦紐約米蘭戲院睇魔海奇緣~~~
呢間戲院位於屯門西鐵站的輕鐵河田站出口附近，當日我在元朗家中由起床到戲院一小時趕到，還買了麥當勞早餐~~~
以下是有關電影的宣傳片段~~~
呢套電影主要講一位女孩子如何勇敢地拯救自己的族人，當中有不少有趣搞笑的情節~~~
昕昕個人喜歡睇卡通電影，而且非常專心，在她接近兩歲開始帶她入戲院，雖說我曾經兩次帶她入影院睇愛情電影，但她會想走，還記得睇我的少女時代最後時她剛好午睡，我就邊睇邊流淚，始終我是個眼淺的人，好在昕昕暫時未完全懂事，否則我怕佢似我睇電影會感動到流淚~~~
呢間戲院票價真係平絕全港，因為早上八點幾的場次只需用$35入場，早場$45，星期二全日$45，最貴只需$55，如果想假期睇早場，最好早兩日買票，否則會失去有利位置~~~
呢間戲院全用中型影院，大約接近三百個座位，座位比較新式，可以放飲品，還可以拉起~~~
**戲院有爆谷和可樂賣~~~
以下是戲院場次的網頁：
我個人比較喜歡豪華戲院，因為可以懷舊吓，雖然價錢不是百分百的便宜，但一定找到自己喜歡的座位，而且畫面極大，希望呢d舊式影院可以一直營運下去~~~
以下是我們的FACEBOOK專頁連結，裡面會有一些昕昕的生活照片和不同資訊分享^^
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：
我的護膚品分享：
如有任何Blogger活動邀請或試用，可以聯絡我的電郵：
沒有留言:
張貼留言