昕昕返學第六個月啦！今個月佢第一次以壽星女的身份參加學校的生日會，所以我悉心幫短髮的她紮孖辮仔，電話恰巧有我四歲生日會的照片，原來我細個跟昕昕差別很大，睇返舊照片才發現我細個果陣係勁斯文樣，反而昕昕係勁活潑(^_^;)
睇返昕昕手冊才發現有部份項目係較之前那個月冇咁主動~~~
不過昕昕在認同學方面有進步，而之前提過佢在班中有好friend的同學的事也在佢的手冊提及（呢個算係好睇的版本，對方的手冊更精彩(￣∇￣)）
其實昕昕跟那位女同學老友到返學、放學會攬攬，對方更會主動錫昕昕面珠，她們曾經試過上堂傾計而被罰遲五分鐘去玩，當日晚上我跟對方的媽媽俾佢地傾電話，順便講好上堂唔可以傾計，要落堂傾，情況才有所改善(￣Д￣)ﾉ
有時覺得幼稚園小朋友除了孩子相處外，家長間都需要互相聯絡，以免錯過一些小朋友在學校的事情，1月26日昕昕要跟同學唱賀年歌表演，有幸其他家長在whatsapp分享，否則我都唔知，昕昕見到我youtube播陳松伶的賀年歌就已經手舞足蹈地跟著唱~~~
不過我總覺得昕昕唱的兒歌可能節奏有點快，有時唱歌的咬字唔夠準，我有時會儘量慢慢唱給她聽，希望她咬字可以清楚一點~~~
至於學習知識方面，沒想到她的表現較之前有很大的進步，除了數學上的排序係唔掂之外，大部份的表現好理想，感恩係佢在學校算聽教聽話(^_^;)
不過在家中的昕昕係懶執玩具，早上極懶起床，但晚上喜歡睇書、聽故事的小朋友，我間中跟她用學校提供的工作紙做閱讀報告，讓她學懂分享閱讀Y(＾_＾)Y
想起自己讀書的年代係書迷，中一至中三參加教協普及閱讀獎勵計劃，拎晒青、藍、紫章，但近年湊昕昕開始忙又懶，主要透過電話睇網上新聞和文章，用電話打速成多過寫字，經常執筆忘字，感覺對唔住曾經教我中文的老師(>﹏<)
不論孩子還是當家長的我都需要終身學習，現在資訊科技發達，新生代的孩子係醒目過我地細個果陣，以前我K1行路返學，昕昕K1時搭西鐵，時搭小巴，搭西鐵時更主動將站名中、英文各讀一次，懂得將周圍的事物學習，可以看到佢係個願意學習的孩子，希望在佢成長日子能自己乖乖學習，不用我迫佢就好了（我唔想做怪獸家長(￣∇￣)）
以下是我們的FACEBOOK專頁連結，裡面會有一些昕昕的生活照片和不同資訊分享^^
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：
我的護膚品分享：
如有任何Blogger活動邀請或試用，可以聯絡我的電郵：
沒有留言:
張貼留言