忙碌的開始~~~

復活節假期後我又返紀計處做廿五日的季度性統計工作，每隔個半月返全職，感覺算不錯，每次返去用心工作就可以穩袋15至16k，最後十天工作可以四處走做訪問，雖然好似有點辛苦，但至少可以keep fit(^_-)

由於簽咗保密聲明，所以不太方便介紹我的工作的事，只能說我的工作分打電話和上門訪問時段，如果電話未能收集數據便要上門，所以一開始同事門好努力打電話，每日整天對住電腦屏幕打電話倒是疲累，所以返到屋企連電腦都唔想用(￣∇￣)

上星期六晚去咗奶奶家姐的壽宴，沒想到星期日早上老爺突然入咗醫院，尋由由博愛轉去屯門，聽說是因為甲型流感，不准落床和進食，有機會留院一個月，平日照顧昕昕的責任由嫲嫲轉去俾婆婆~~~

所以昕昕由星期一開始交由娘家照顧，當晚我推了嬰兒車和一些用品到娘家給我媽，星期二晚帶了些補給品，連續兩晚在娘家食晚餐，為的是見吓昕昕，星期五可以託老爸接送昕昕上playgroup，好在英文班今期開始自己上，否則我老爸肯定大罵我（一個不懂英文而又做開操重工作的年長男士係比較麻煩(￣∇￣)）

我自己去東京之旅後因為太辛苦，弄到用身痛，右邊膝上落樓梯會關節痛，左邊胸也感到痛，咳或打噴嚏時心口會痛，但我連睇醫生的時間都冇（因為我星期一至五返全職，星期六、日返兼職）

依家全城都儲七仔的LC印花，我都有儲，每日早餐都幫襯七仔，希望每日一印花，至少會儲到特別版的儲存盒，餐具儲唔儲到就隨緣啦！

之前一直想生第二胎，但近來我的身體差了，所以好想放棄，我發現自己失去再懷孕的勇氣......