每個師奶仔都總會學吓入廚整野食俾屋企人，講個秘密俾大家知，其實我煲湯較煮餸好少少，因為我好少落廚，做女果陣成日食媽媽煮ge餸，頂多幫佢煲湯而已，就算自己一個人住大學宿舍，我只是煲粟米羹、蔬菜豆腐雜丸湯和花氐雞腳湯，煮的只是瑞士汁雞翼、烚菜和煎腸仔而已，好在同房的女性朋友冇所謂，令我不用花時間可以食吓「住家飯」= ="
依家做咗人母，加上跟奶奶分開住，正常係多咗機會煮野食，點知開始咗依家份兼職，一個月有四份一的晚上要返工，有四份二的晚上不是跟奶奶外出晚餐就是在奶奶家食，剩下可以自己煮飯的時間不多，所以我就學會用比較簡單的方法煮晚餐，至少不用擔心令老公投訴我煮野難食:p
今次分享我整的梅菜肉餅，大家見到未煮前個樣ok嗎？
材料好簡單，在超市買一份大約$10左右的豬肉或免治豬肉，今日我在新元朗中心間百佳買唔到免治豬肉，連一大舊的豬肉都見唔到，所以買無骨豬扒來刴，刴之前最好切條先，刴的時候係比較用力，搞到手都累>.<
另外係梅菜，去雜貨舖或者佳記都有得買，一舊不用$10，可以分開整至少四、五次，我通常放入雪櫃保存，之後剪出來浸，浸好之後用刀切碎，本來我想用攪拌器，因為上星期我整肉餅時不小心磨蝕晒個轉位，要遲d配返個新的才可以用= ="
之後放晒入碗，加兩茶匙粟粉和兩至三茶匙生抽，用匙羹攪均~~~
最後懶惰的我就放入電飯煲連飯一次過整熟來食，我只是買豐澤牌來用，四百多元，樂聲牌都有一部，大概六百至八百元，電飯煲有膠托可以一次過煮飯、蒸餸，真係非常適合我呢d比較懶而又要湊B的媽媽:p
以下連結係我網誌的FACEBOOK FANS PAGE，裡面會有一些昕昕的VIDEO和生活照片分享^^"
我的網誌~~~
沒有留言:
張貼留言