昕昕學校尋日舉行K3畢業典禮，開始一連五日的假期，而我就拎咗半日假帶昕昕去淺水灣玩，湊巧在月頭見到有攝影公司Facebook專頁推廣每人平日拍攝一輯証件相$99的優惠，所以在去玩之前就自己和昕昕各影一輯照片~~~
離開葵芳地鐵站後上附近商場天橋行過去工業區好方便，不用過馬路，如果雨天去都唔太擔心~~~
昕昕尋日午餐後話眼瞓，我和她在家中小睡一會，原定約三點正拍照，我們三點廿五分到，我在聯絡時不斷講唔好意思，好在攝影師好友善咁話唔緊要，湊巧下一組客人都遲到，否則我真係超級唔好意思~~~
由於我和昕昕本身有頭髮碎，攝影師好好人咁教我們如果GEL頭來達到較好的攝影效果~~~
在拍攝的時間攝影師仲好細心咁執昕昕的姿勢，好讓她影得唔會歪~~~
由於我想整特區護照相，所以一開始就用白色背景，昕昕本身校服顏色襯藍、白色都好好睇~~~
之後攝影師轉第三個背景版幫我們拍照~~~
攝影師本身係一位爸爸，我們拍攝當日他的孩子剛好放假在影樓休息，能夠用心為孩子拍照當然有D原因=]
其實我們在拍攝期間最多可以換兩次衫，我本身第一條裙的效果覺得冇咁好（可能背景白色跟淺藍色相撞），反而著黑色衫襯呢個背景勁好睇~~~
攝影師見我們兩個各影一輯証件相，所以送幾幅合照俾我們=]
我們兩人合共有35個照片檔案，平均五、六蚊一個檔案真係好抵，真心講其實攝影師係專業，雖然有D人話影相唔需要太大成本，但攝影師係有專業知識，佢地要SET燈光、又要指導畸去影，呢D唔係人人都可以做到，希望大家會專重攝影師的專業~~~
拍攝完畢後攝影師即刻在電腦執咗光暗，原本我認住用USB手指SAVE相，點知搵唔到，佢就俾個GOOGLE DRIVE的連結我，叫我一個月內下載照片，順便每人選三幅照片給佢大執，我暫時頂多諗到各執一、兩幅整証件相，頂多合照幫我整走下巴的暗瘡印:P
在完成整個攝影過程兼拎相之後逗留一會，我在檢查訊息時不經意地讓攝影師知道我係BLOGGER，因為我不想有人誤會我一開始要任何優待，呢間公司只是小店，我沒有拎任何著數，只是覺得攝影師用心做才真心分享~~~
呢個優惠其實在6月30日最後登記，在10月前完成拍攝，定好日子後入指定戶口或PAY ME付款，感恩搵咗昕昕細姨代我先付款落訂，以下是優惠的推廣連結：
以下是快樂攝影的Facebook專頁連結：
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：
如有任何Blogger活動邀請或試用，可以聯絡我的電郵：
mandylau55@gmail.com
沒有留言:
張貼留言