2018年6月11日 星期一

再窮也要去旅行@大阪自由行2018—交通篇

第三次去大阪的我開始了解在大阪如何可以在交通上節省多D,令自己可以有多D錢去SHOPPING,希望我呢份交通篇可以幫到大家啦!

在日本未滿六歲不佔位兒童可免費搭乘,毋需購票,所以之前兩年帶昕昕去日本係完全唔需要為她做任何準備,同時因為日本有好多親子旅遊好去處,所以日本就成為好多家長喜歡親子自由行的地方~~~

去大阪自由行,大家一定一定要買2日券的大阪周遊卡,皆因佢可以任搭地鐵和巴士外,最重要係好多旅遊地點可以免費入地,以下網頁就詳盡介紹相關優惠,大家可以慢慢研究~~~



在搜尋期間發現KKDAY的網站有預訂服務,大家可以到以下網頁瀏覽~~~

https://www.kkday.com/zh-hk/product/3247

今年雖然有帶我妹去大阪港站的天保山大摩天輪(原價800日圓),但就沒有入Lego Discovery Center,拎周遊卡的大人一定要有小朋友先至可以免費入場(反之亦然),原價2300日圓一位,如果有入去,基本上已經值回票價,以下是舊年的分享~~~

2017大阪親子自由行—Lego Discovery Center

其實我們在玩摩天輪之前在觀光船聖瑪麗亞號附近搭船長線(Capatin Line)到環球影城外的商店購物,而我最開心係可以買到美少女戰士卡通的「月之權杖」,美少女戰士可以話係我的童年回憶,礙於環球影城入場費已經迫到七千幾日圓,所以我沒有買票入場(其實我6年前已經去過一次)


在行程的Day 3我就用京都、大阪觀光一日券,呢張券在大阪可以任搭地鐵外,更可以在任搭由大阪到京都的京阪電車,但我買完返到香港先至睇到呢堆優惠券= ="

想了解京都、大阪觀光券的種類可以瀏覽以下官方網頁:


在搜尋期間發現KKDAY的網站有預訂服務,大家可以到以下網頁瀏覽~~~



今次我和阿妹BOOK咗位於清水五條站的和服店穿浴衣和SET頭,之後到伏見稻荷站的伏見稻荷大杜拍照,因為清水寺太多人,而且現在仍然維修,加上我們都曾經去過,所以今次行新地方~~~

原來在鐵路站有張簡介可以了解如何前往重要的旅遊點,可惜係我行完之後那天發現嵐山開咗間鬆弛熊CAFE,雖然我早一天見到有舊同學在此打卡,但我起初以為是普通影相位而沒有刻意了解>.<(有動力PLAN將來再去大阪遊)



在Day 4我們只是行位於神戶再入少少的垂水三井OUTLET,在難波搭地鐵到梅田230日圓,之後轉JR由大阪站直接到垂水站要800日圓,如果本身行完神戶再入去會抵D,因為由大阪站直接到神戶站要410日圓,之後由神戶去垂水站只是220日圓,想知道有關價錢及班次可以到官方網頁:


我們行完垂水outlet時間尚早,順便在JR站果間專賣平價車票的小店買車票返大阪站,我們剛好二人,可以用1060日圓買車票由垂水直接搭到去大阪站,平均每人530日圓,較原本分兩程入慳100日圓,店員會俾兩張票,首先用上面張票入閘,出閘時兩張票入去閘機就完成,我們當日行了梅田才返回酒店休息。


在最後一日回程搭南海電鐵返機場都有得慳(^_-)

在難波果邊的商業街有一些好似垂水果度見到的買車飛平的店,我地在平日下午走的票賣800日元,較原本的920日圓慳120日圓。


在日本的交通費其實幾貴吓,搭鐵路最短果程要230日圓,貴香港幾倍,希望我以上的分享可以幫到準備去大阪的網友能夠節省多d去shopping或者食好d(^_-)

以下是我們的FACEBOOK專頁連結,裡面會有一些昕昕的生活照片和不同資訊分享^^ 


生活易推出咗BB成長日記,方便媽媽記錄BB成長片段,我幫昕昕建立咗一個,大家有時間可以參觀=W=


我的網誌~~~
She blog (New)     She blog (Old)
我的飲食分享:
 

 如有任何Blogger活動邀請或試用,可以聯絡我的電郵:

mandylau55@gmail.com

沒有留言:

張貼留言