去完大阪之後果日約了好友拎我派的手信，之前在西環果間616打邊爐玩得開心，佈置又夠特別，所以今次決定去荃灣看看係咪有唔同特色~~~
細細個住在荃灣的我最記得二坡坊，616在三坡坊，附近寶石大廈有間幼兒學校，我曾經帶昕昕去n面試，可惜昕昕面試唔得，所以冇去果度讀~~~
講返店內裝潢，跟西環店同樣有士多的設計，西環係一間間廂房咁，其他係長枱，而荃灣就好似大排檔咁分咗好多張圓枱~~~
令我覺得驚喜係荃灣店係用明火的爐，其他店係用電磁爐，呢個肉檔的設計就令我好想快點開餐瘋狂食肉(^_-)
今次晚餐感覺自己在大排檔食野一樣，當晚附近座位的人都邊食邊飲酒，但我近日身體一般，加上想身體好D時捐血，暫時決定唔飲酒住~~~
我的座位望上去的設計令我諗起元朗的老馮點心都有同樣的公屋門口~~~
好奇心的催使下我行上閣樓，感覺私隱度幾高，食野時間仲可以乘機影相呃like，相信好似我呢D八卦人士就唔會放過不斷影相的機會~~~
616牛肉火鍋專門店係用電子點餐，裡面會詳細介紹每種肉屬於牛的那個部位，今次我就飲豆漿唔飲可樂:P
我和好友一次過瘋狂地點晒要食的肉，大家最好邊食邊點，因為牛肉放得太耐係會出水架= ="
今次我最喜歡食牛舌，始終個口感係好吸引我，尾龍都幾好食，不過會韌少少~~~
牛扑肉口感都不錯，三花鞬會有D筋，我個人就唔太鍾意呢類:P
匙柄好好食，下次可以再叫，手打牛滑都好好食，每次叫係因為我喜歡削肉的動作~~~
電子點餐時見到總數係$428，但埋單時係$448，原來自己冇留意到每人$10的醬油費~~~
由依家到15號616牛肉火鍋專門店做緊推廣，like佢地的Facebook專頁有66折優惠，唔知大家係咪都好想去試吓呢？
以下是我們的FACEBOOK專頁連結，裡面會有一些昕昕的生活照片和不同資訊分享^^
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：
如有任何Blogger活動邀請或試用，可以聯絡我的電郵：
mandylau55@gmail.com
沒有留言:
張貼留言