我地一家三口搭咗零晨機，晨咁早就到咗大阪機場開始我地的五日四夜之旅，感恩係我地在晴朗的一天出發^^
到咗機場準備搭關空快速前見到寵物小精靈的專門店，昕昕好快就走去影相打卡，買咗少少嘢之後我地就去幫我地的SUICA卡（日本八達通）充值~~~
雖然我地唔係成日去日本，但我keep住張SUICA卡，因為我唔想成日花時間買票兼找太多零錢(￣∇￣)
去到天王寺站我地在酒店小睡一會後到鐵路站上蓋的商場內午餐，我地食咗兩個lunch set大約二千日圓，呢個商場十二樓的無印做緊搬遷大特價，全部物品半價，我就買咗幾支筆和玩蓋印的簿仔用~~~
我地跟住搭御堂筋線去心齋橋（成人230日圓），回程發現原來去少一個站的難波同樣票價~~~
7月係日本多個地方的減價旺月，由心齋橋往難波的路上見到呢間BABYDOLL做緊半價，買咗件KUROMI衫俾昕昕大約一千日圓，本身帶唔夠衫俾昕昕的我又少咗d煩惱~~~
在心齋橋的Sanrio gift gate俾我發現之前買的兩款PC狗運動套裝半價，我心裡不禁酸溜溜(>﹏<)
由於我買PC狗產品高過五千多日圓，可以到指定地點退稅（成條街只要在指定商場旗下就可以齊齊拎去退稅~~~）
行到中途昕昕爸爸想食嘢，我就買咗麥樂雞開心樂園餐（500日圓）俾佢地食，自己一個人繼續shopping，昕昕仲順便在麥記午睡(^_^;)
依家當地出緊寵物小精靈玩具，但冇得選擇款式(￣∇￣)
行咗好多藥店，基本上價錢差不多，不過某連鎖藥店賣tomica比較平，我貪得意買咗俾昕昕，另外買咗本麵包超人的數字學習本俾佢~~~
晚餐時間去道地崛最平而又出名的元祿壽司晚餐，最平的壽司連稅係135日圓碟，怕芥末的我點餐時要求走wasabi，感恩每次去日本都有店員明白我的意思( ´▽` )ﾉ
當自己去咗香港爭鮮食壽司就好似過份咗少少，因為俾200日圓可以食帆立貝壽司，而且果度的壽司都算好過爭鮮，所以有不少人排隊入內進食，五年前我都曾經試過，現在只是重遊舊地而已~~~
在道地崛呢個位打卡是人人必然會做的事~~~
之後昕昕跟爸爸返酒店休息，而我就行難波的藥店，發現呢兩間的價錢比較抵，其中一間因為價錢抵而不做免稅，個人建議在難波的藥店買嘢係抵d，我行咗某間有轉角位的藥店買零食連稅約70日圓，但在便利店要約150日圓~~~
今次大阪之旅因為要湊昕昕，所以行程會冇咁緊迫，始終昕昕只是小朋友，昕昕依家好喜歡搭飛機去旅行，但係佢又好鍾意瞓，所以做父母不能忽視孩子的要求(^_-)
以下是我們的FACEBOOK專頁連結，裡面會有一些昕昕的生活照片和不同資訊分享^^
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：
如有任何Blogger活動邀請或試用，可以聯絡我的電郵：
沒有留言:
張貼留言