有Follow開我Facebook Page的Blog友都知道我老爸在7月時做了一個胃部大手術，老爸本來要出席故友孻仔的婚宴，但礙於佢擔心在婚宴時會因為腸胃不適而有所失禮，所以要求我代表佢跟老媽出席~~~
老爸故友有兩女一子，老爸在好友在生時出席了長女和次女的婚宴，呢兩次婚宴雖然我沒有出席，但在生活易就會找到相關照片，因為老爸故友的次女係好出名的靚太，近年因為忙於團購店的工作已經沒有在WOW BLOG有特別的更新~~~
今次我代表去的婚宴地點係半島酒店7樓的花園套房，官網寫場地容納人數係Banquet 48 Reception 60，乘私人升降機來到壯麗的花園套房和毗鄰私家陽台，維多利亞港及港島繁華全景盡收眼底，營造出親密深刻及完美浪漫的背景。
而在生活易WOW BLOG有其他JM分享相關資訊~~~
當日我十二點到會場後老媽就跟主人家的姨媽姑姐等人吹水，我就一個人影吓環境~~~
其實呢個露天場地有電動天幕，如果在秋冬天飲宴係比較舒服~~~
而我的座位在露天地方，每枱只坐6人~~~
室內有三角鋼琴，但成場婚宴冇用過:P
兩枱主家席在室內~~~
婚禮在沒有天幕遮蓋的情況下進行，感覺係好曬，不過呢場婚禮新郎那位勁靚女的二家影相，見到佢跟佢姐夫好sweet咁坐，相信好多人都覺得佢地一家人係關係好好=]
在我的回憶中呢位新郎細個時個樣鬼鬼地又白白淨淨，可愛到不得了，佢最大的外甥依家有d似佢細個果陣(*๓´╰╯`๓)♡
今次婚宴係食自助餐~~~
而個我人至愛食羊架，肉質鬆軟兼有淡淡的羊羶味:P
荷葉飯我不敢吃，始終我都怕自己會肥>.<
今次的甜品最吸引我，淨係睇款式都靚~~~
在宴會期間老爸故友的太太（新郎媽媽）跟我講我老爸做野辛苦，其實我做女的當然知道，老爸和陳叔叔是由讀書開始識的好朋友，佢地來到香港仲一齊選擇做裝修作為職業，做呢行有幾辛苦我都清楚，因為我細個成日跟老爸四圍去開工......
作為長女的我讀書果陣學習唔太花老爸的錢，特別係讀大專和大學的日子主要做兼職而唔敢問父母拎零用錢，有時寧願問閨蜜借錢侍我賺到多d錢才還，始終都想老爸儲多個錢自用~~~
雖然朱古力好好食，但我因為晚上會跟兼職舊同事食牛角放題，所以不敢吃太多~~~
沒想到我的老媽視覺是多麼的斜= ="
最終我因為趕回母校帶女童軍步操集會，老媽要去庇護工場接三妹，所以在三點左右離開~~~
生活易推出咗BB成長日記，方便媽媽記錄BB成長片段，
我的網誌~~~
我的飲食分享：如有任何Blogger活動邀請或試用，可以聯絡我的電郵：
mandylau55@gmail.com
沒有留言:
張貼留言