在8月中我和昕昕去了領展TKO街市參加領展主辦的小KOL街市買餸比賽，原來由新界大西北搭鐵路過去將軍澳都要一小時車程，昕昕聽到有街市買餸比賽就好期待，開心過可以返合唱團= ="
今次我們在活動中跟芊嶠小妹妹重遇，昕昕之前有次外出活動跟芊嶠小妹妹玩到變了好朋友，佢地當日上下午出席相同的Blogger活動，昕昕真係未開始玩都已經好興奮~~~
一開始領展的公關哥哥就帶各位小朋友行街市，突然諗起昕昕在K2時跟同學到元朗廣場的超市參觀的情況~~~
行完街市之後，小朋友們就聽比賽詳情~~~
小朋友們按年齡分成兩組，昕昕就去了年齡較小的一組~~~
我和昕昕就按著呢個餐單去買餸~~~
由於我和昕昕專注比賽，所以冇乜影相，只是等領展事後補回照片，昕昕在BB時成日有跟我去買餸，反而佢依家大個咗，加上我要返工，真係好耐冇跟佢一齊去買餸~~~
昕昕和我比賽後影返買咗的食材，依家呢代的小朋友已經少咗跟媽媽去買餸，而我的小時候就經常跟老媽去買餸，到小學時就間中到屋企樓下的街市幫老媽買餸，始終老媽生了四個女兒，既要做家務，又要照顧年紀輕輕的細妹，作為長姊的我將買餸當作係一件開心的消閒活動:P
其實買餸可以讓小朋友認識簡單數學概念如加、減數（初小或以上），乘數（二、三年級或以上），最重要係讓佢地學會侍人接物，還記得昕昕歲半左右我已經開始教她自己在茶樓叫埋單，接近兩歲時已經學會拎張單到櫃台用八達通付款，現在我每次要買西鐵全日通或八達通增值都會搵昕昕自己去櫃台辦理，因為我想她學會講唔該和完成小任務而帶出成功感~~~
比賽後我們一班媽媽和小朋友大合照~~~
比賽後我們到FOODLANE「掃街」，由於芊嶠小妹妹冇咁高，加上又輕磅，所以我就抱住佢影相:P
我們總共行了四間小店掃街，在第一間小店飲豆漿和食砵仔糕~~~
在第二間小店食鹵味，而我個人就最喜歡食雞腎，突然諗起元朗較出名的鬼巴士~~~
昕昕其實係個為食的小朋友，有美食當前就擺出咗佢的為食相= ="
我們就為了響應環保，所以帶咗私人餐盒去掃街^0^
最後一間小店有陳村粉，礙於趕住去油麻地的另一個活動，所以我就帶走在下一個活動的時間食，當日昕昕好享受呢個活動，而我就嘗試一拖二去搭地鐵，原來兩個小朋友一齊行會慢咗D，好在昕昕和芊嶠小妹妹都算聽話，否則我和芊嶠媽會更勞累>.<
剛剛在Facebook見到領展近日與姆明聯乘推出「幸福帶飯」消費換領活動，由9月8日至10月31日期間，只要在領展的37個商場及街市裡以電子貨幣消費滿$50或以上，就可以得可1個印花，儲夠印花就有得帶走姆明系列的便當精品，鼓勵大家一齊為環保出一分力，實行源頭減廢。
除了有姆明的精品，領展期下商場鯉魚門廣場、TKO Gateway及禾輋廣場更特別設置姆明一族主題拍照區，當中以姆明谷為背景，與姆明家族會面！有興趣的朋友不妨去搵佢地影相～
詳情可以瀏覽以下連結：
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：
如有任何Blogger活動邀請或試用，可以聯絡我的電郵：
mandylau55@gmail.com
沒有留言:
張貼留言