今次福岡快閃之行係昕昕和爸爸兩個傾行程，喜歡兔仔的昕昕決定去森林家族所在地—香椎花園，呢個地方如果有時間真係可以玩足一日，礙於我們的行程時間太有限，所以只是玩了半日~~~
我們在博多上地鐵後到中洲川端轉車，再之後到貝塚轉線到香椎花園前駅下車，貝塚轉線到香椎花園前駅呢程車需要另外收費，如果用福岡市地下鐵兩日票的話就記得另外用SUICA卡或自行購票轉線啦！
在鐵路上已經見到香椎花園幾大吓~~~
香椎花園需要收費入場，成人（中學生或以上）1000日圓，小朋友（3歲至小學6年級）600日圓，65歲或以上長者800日圓~~~
裡面的機動遊戲和不同遊玩設施都有設收費，有列明收費，價錢都算OK~~~
昕昕主要玩咗兩個機動遊戲，跳樓機400日圓一次，玩果陣昕昕好享受，工作人員仲暗中幫昕昕加時，我和昕昕共用了800日圓玩電動車，大人要用腳掣去控制車的快慢來漫遊花園的地方~~~
經過一堆的電動遊戲會見到Thomas Station的商店，但昕昕志不在此，佢好快就衝去佢最想去的森林家族之家~~~
由於森林家族的表演在12點才開始，我們為了打發時間就花了400日圓（如無記錯）給昕昕入去玩佢喜歡的波波池和跳彈床，家長係可以入面坐住或陪佢玩~~~
喜歡超人的爸爸們應該會乘機拍照留念，裡面有BB區，如果本身係二寶家庭就可以讓大小B各自玩~~~
超人館旁邊有劇場，想現場睇超人表演就要留意啦！（呢種情節令我諗起成日睇日本卡通的片段，因為我第一次現場睇超人表演@@）
講返昕昕最喜歡的森林家族之家，原來依家有10周年的牌~~~
昕昕不斷拎住佢在畢業典禮果日收的小花束影相~~~
森林家族之家係有兩層高的屋，每人入去收200日圓，原來果陣剛好有推廣，只是在LINE關注相關資訊可以免費入場，我們兩人就一人收費，一人享用LINE的優惠~~~
在香椎花園裡面有些小動物，如果要餵需要另外收費~~~
又到昕昕可以免費玩兼媽媽買玩具俾個女的時間~~~
森林家族商店感覺算幾大，昕昕就在兒童區玩，裡面有指照位~~~
裡面會展示不同的公仔~~~
呢度的玩具價錢較香港便宜，如果本身喜歡森林家族的朋友記得要買買買啦！
裡面設有育嬰室，方便大家照顧小BB~~~
森林家族之家仲有小朋友玩的地方，不過昕昕大個D，唔太適合~~~
終於等到12點的表演時間，一開始有小型生日會，之後有小朋友模仿舞蹈動作，小朋友睇完表演仲可以和卡通人物來個抱抱會~~~
之後我們去了森林家族的主題餐廳《シルバニア森のキッチン》 午餐，以下是我當日在大眾點評post了相關評論（多圖），以下是有關連結：
午餐後我們用500日圓影貼紙相，昕昕爸爸靠害地用美顏MODE，令我和昕昕的樣子變得極怪= ="
香椎花園是個不錯的親子好去處，以下是有關香椎花園的簡介網頁：
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：如有任何Blogger活動邀請或試用，可以聯絡我的電郵：
mandylau55@gmail.com
沒有留言:
張貼留言