話咁快又來到5月，又係我的生日月，呢個月可以約不同的知己良朋和我食生日飯慶祝吓*\(^o^)/*
依家在旺角的辦公室返工，間中在油尖旺區四處外勤工作，平日就算做唔切野都好容易搵到地方食好西，感覺倒是幸運~~~
今次就去了位於旺角兆萬商場的極上帝王水產享受放題晚餐~~~
餐紙由A去到S咁多款，真係令有選擇困難症的我感覺花多眼亂，好在研究咗之後就專攻刺身的紙仔和點幾類食物~~~
呢度的雪糕、雪條較貴的款只限每人一份，好友表示圖中的韓國雪條買一條要十幾蚊支，而雪糕糯米糍係有限數，甜品望落都精美~~~
呢度的飲品都算係唔錯，好友就飲忌廉溝鮮奶和荔枝烏龍茶，而我就飲檸檬可樂~~~
原來點刺身第一次上係好靚，個人至愛係食北海道帶子刺身，每次上枱後就跟好友爭住食，這個盤還有赤貝、甜蝦、蠔、北寄貝、象拔蚌等~~~
第二次上都幾靚，希靈魚黃色的魚子食落感覺脆的，幾有口感~~~
黑松露油甘魚和黑松露帶子壽司倒不錯~~~
喜歡食蝦但又唔太喜歡熟蝦的好友見到有火灸蝦壽司就點來食~~~
一口和牛上的時候太冰，如果再溶d去燒會更好，沒想到雖然燒的過程係較多水出來，但食落都係有入口即溶的感覺~~~
朱古力心太軟感覺不錯，唔大粒，食咗都唔擔心會太飽，炸物感覺都幾好，個人至愛食日本榴槤炸彈，淡淡的榴槤味感覺OK，日本炸牛奶原來係麵包包住D奶，甜甜地，日本芝士年糕都不錯~~~
日本枝豆係好友點，第三次點兩款刺身已經用細碗，一開始點的雪場松葉蟹火鍋感覺不錯，只是要比較長的時間才會滾透，迷你手卷份量係平時去元氣的一半，可以叫幾款食都唔怕飽~~~
跟好友晚餐時店員表示我們吃得比較少，提示我們可以叫多些，但由於我近期成日周圍食，怕變肥，所以感覺飽足便埋單~~~
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：如有任何Blogger活動邀請或試用，可以聯絡我的電郵：
mandylau55@gmail.com
沒有留言:
張貼留言