五日五夜的大阪之旅終於完成了，感恩自己總算可以做到好多自己之前未做過的事，有了昕昕之後每次帶住她去旅行都會俾最好的享受她，但今次旅行是我自費，昕昕爸爸只是我買給昕昕用品的錢，買平機票的我就索性來個節儉但shopping冇節制之旅:P
上星期五我收工時就拎住自己的大喼和昕昕細姨的中喼去搭E34去機場，昕昕細姨收工之後就搭機鐵到機場會合我，我們今次在二號客運大樓check in搭捷星在2050起飛的航班，由於我的機票係加咗錢有得食飛機餐、20KG 行李，所以可以選擇座位，我來回兩程都選擇坐緊急出口座位，因為我喜歡佢可以俾我伸直對腳，就算要出入座位都不會感覺辛苦~~~
捷星的飛機餐其實好一般，好在我和昕昕細姨在check in後吃了晚餐才入閘~~~
去到大阪機場已經係當地時間零晨兩點四十分，我們一落機就坐接駁巴士去過關入境~~~
入境手續完成後不用等就可以即時拎行李走~~~
我們由一號客運大樓上到二樓行天橋到二號客運大樓的休息室過夜，我有這想法除了想節省一晚住宿費用外，最重要係可以在早上返回一號客運大樓的地下買大阪周遊券和京阪電車一日觀光券，始終日本的交通費唔平，如果唔買呢D PASS真係好浪費~~~
機場的休息雖然好大，但我去果陣呢度瞓滿晒人，呢幅係我早上起身後影的，休息室可以借毛毯，由2300至0600，在0600時職員會逐個收~~~
呢度有WIFI和充電服務，還有CCTV，所以唔擔心有人會偷野~~~
我去到時已經冇毛毯冇梳化位，好在我仲可以將喼套舖在地上，加上我本身的PC狗毛毯枕頭套裝就咁在機場瞓幾個鐘，由於我本身去過露營，瞓過地下，所以覺得冇乜野，相反我那位90後的妹妹當然唔慣，仲大叫以後唔好預佢咁玩= ="
如果大家想在機場過夜就要準備簡單睡眠用品，由於沒有關燈，所以我就帶了我最愛的花王蒸氣眼罩，除了可以敷眼，更可以遮光，一舉兩得=]
呢個機場休息室有浴室，但每次15分鐘需要500日圓，先巾另外購物，慳家的我當然冇咁做啦:P
早上0630可以在機場買車票，而我們在早上0730左右就搭南海電鐵離開機場，開始旅程~~~
以下是我們的FACEBOOK專頁連結，裡面會有一些昕昕的生活照片和不同資訊分享^^
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：
如有任何Blogger活動邀請或試用，可以聯絡我的電郵：
mandylau55@gmail.com
沒有留言:
張貼留言