是日昕昕爸爸親戚嫁女擺酒，因為新娘子係長期外國生活，新郎係台灣人，所以主要宴請女家親朋戚友(^_-)
在親戚關係上雖然唔熟，但去得飲宴影相留念讓主人家記住有邊個來飲都好^_^
餐牌設計係一對鳥，感覺特別~~~
等到晚上八點半終於開席，一開始當然上乳豬—滿堂金豬耀星輝，個人覺得幾好食，咸度可以輕DD，不過要自己吐骨係麻煩，昕昕用手拎住骨位食D肉= ="
百年好合玉帶蝦球，幾好食，近來食得鮮蝦太多，所以硬塞俾昕昕爸爸食:P
多子發財瑤柱脯，有我喜歡的髮菜和溫室豆苗，我真係食過唔停=]
酥炸百花釀蟹拑，其實去任何地方食感覺都係咁，唯一特別係中間的硬糖花好靚，但冇人會咬開來食~~~
紅燒津膽大排翅，其實翅唔算明顯，反而覺得菜明顯多D~~~
原隻南非鮑魚扣海參，鮑魚和海參肉質夠軟熟，由於上菜時我帶咗昕昕去洗手間，所以只能影到分咗每人一碟的版本~~~
清蒸原條大星班，勁大條，好在肉唔會老~~~
當紅一品脆燒雞，由呢個位開始又係我收口的時間，始終我唔想飽到未完全消化就走去瞓覺~~~
美滿鴛鴦雞絲飯~~~
高陞水餃伊麵~~~
雙喜臨門美點，我食咗一件蛋糕，昕昕就食咗五年，因為蛋糕係士多啤梨慕絲和朱古力蛋糕，另外果款貌似慈菇椗（其他人講我先知），寓意生個男仔，甜品有意思到我都冇留意~~~
百年鴻運團圓露，我淨係食中間美味的黑芝麻湯丸，席上有其他人想一碗多兩粒，上菜的侍應細心的說明一碗只能兩粒，寓意一雙一對，而且中國人最忌四字，沒想到年長的人士冇留意呢個問題~~~
合時甜橙，正常都係打包回家吃的~~~
喜歡食蛋糕的昕昕跟假蛋糕合照，八月花本身唔係專做婚宴的場地，所以冇乜氣氛，只是有切蛋糕、敬酒的環節，新人沒有提供成長片段和早拍晚播，感覺跟平時的飲宴好大分別，感恩昕昕唔會悶倒，乖乖完成全程＼(^o^)／
八月花在九龍塘又一城，算係比較高消費的食肆，在12年前的畢業季節，認識數年的作家阿濃來港，當時我約了他和恩師梁頌佳和補習班時相識的好友一起到此晚餐，還記得那時因為其他地方冇位而去，阿濃負責點餐時為我們諗得節儉些，他是個慈祥的伯伯，那次是我們第二次約會，也是最後一次聚會。
突然諗起阿濃，在網上搜尋發現以下文章說了他回港的原因~~~
還記得12年前曾經印了我的小本散文《小玉雜記》給他做個記念，不知道他還記得嗎？
以下是我們的FACEBOOK專頁連結，裡面會有一些昕昕的生活照片和不同資訊分享^^
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：
如有任何Blogger活動邀請或試用，可以聯絡我的電郵：
沒有留言:
張貼留言