呢個月中初突然收到心儀的幼兒園電話得悉大後備K 1學位，對於本身想昕昕入讀中華基督教會屬下幼兒園的我真係好開心，不過之前幫昕昕在救世軍幼兒學校買好的校服和書簿等用品我打算轉贈給有需要人士，而新校的用品就要在半個月內準備(^_^;)
昕昕準備入讀全日制幼兒園，所以上課時間可以遂步適應跟救世軍不同，因為救世軍幼兒學校K1家長陪同上課一天，呢間幼兒園需要陪同兩天，每天一小時，由於昕昕開學日剛好是我季度性工作的最後數天，所以只好給昕昕爸爸陪她上課（其實之前成日陪昕昕上playgroup，我真係上到有點悶，或許自己喜歡學野，但怕陪太子學野(￣∇￣)）
昕昕準備入學的書單，價錢較救世軍貴~~~
由於校服係沒有大量生產，所以價錢也相對較貴~~~
幫昕昕試咗校服才知道她要著6號碼，好在學校表示只要校服未洗就可以換一次合適碼數(^_^;)
昕昕書包原來要放些東西以備不時之需，之前在西松屋買的麵包超人毛巾連盒就剛好用得著*^O^*
昕昕幼兒園的午餐看起來比較健康，有時我工作忙冇時間為她準備早餐，將來她一返到學校就可以有早餐、午餐和小食，我就少咗好多湊她的煩惱(^_^;)
幼兒園上課日程，大家可以當作參考，由於昕昕校園有數層高，每層只有一間大課室，所以每日要行樓梯上課(^_^;)
其實之前昕昕入到的救世軍幼兒學校係獨立屋，但空間比較少，加上在我娘家那邊（即屯門），所以昕昕爸爸聽到元朗而我又心儀的學校有學位俾昕昕，唔介意冇咗之前俾的註冊費之餘，之前報咗的暑假的兩個playgroup只能上一半，加埋在救世軍幼兒學校俾的書簿雜費，前後冇咗三千大元，原來要讀幼稚園真係好大投資╮(╯▽╰)╭
之前昕昕在救世軍幼兒學校的書簿費單~~~
之前昕昕在救世軍幼兒學校的校服單張~~~
在閒時到深水埗北河街一帶買定底褲仔和背心底衫，價錢都算相宜，上圖較早前買，約$35兩條，下圖$20兩條，似褲仔的底褲仔較傳統三角底褲仔好睇d，就算走光都唔太擔心( ´▽` )ﾉ
背心@$20，襪三對$20 pack~~~
對於現在做緊幾份散工而沒有工人姐姐的我，將昕昕送入幼兒園讀書係比較方便，始終昕昕嫲嫲年紀比較大，加上我在考慮過生多個，如果昕昕返全日制學校，對將來想做多次全職媽媽的我係最好的送擇~~~
入讀救世軍幼兒學校最好係一有出世紙就填好表格交去學校，昕昕雖然2月2日出世，但當年我4月尾交表，n班已經冇學位，要到k1才有學位給她~~~
而昕昕入讀的幼兒園在入學前一年的9月尾在學校門外有招生詳情，由於昕昕入讀的幼兒園在元朗係較有名而又多人想入讀，昕昕能夠後備位入讀真的是幸運，因為我在元朗只是報咗三間學校面試，三間在一月收生時沒有消息(>﹏<)
我想昕昕入讀除了因為全日制外，最重要係跟我母校同樣教會兼可以在低班時參加女童軍的快樂小蜜蜂，始終我希望昕昕由小時候學習群體生活，也學會紀律(^_-)
生活易推出咗BB成長日記，方便媽媽記錄BB成長片段，
我的網誌~~~
我的護膚品分享：
如有任何Blogger活動邀請或試用，可以聯絡我的電郵：
沒有留言:
張貼留言