小玉雜記

小玉雜記

好開心自婚後差不多每年四月都去旅行，因為老公做駐校言語治療，所以我地要在復活節假期才可以去結婚三周年紀念旅行^^"

好開心今年老公終於帶我去我從未去過的地方旅行，今次我地準備去首爾，之前我媽媽、妹妹，甚至最好的朋友都去過韓國，搞到我都好想睇吓呢個國家的文化係點。

沒想到訂好機票之後先知道韓國貨幣兌換率破新低，老公當然開心啦！

以下是有關新聞，而我的預科同學兼韓國人妻阿妙更被蘋果電話訪問邊度換錢最抵:P

http://hk.apple.nextmedia.com/news/art/20150313/19074540

POST 住舊年昕昕準備旅行個樣先^^"

由於昕昕依家已經可以跟我地食野，所以我地連續兩年旅行唔帶baby food，但今次我會帶定保溫壺，因為首爾4月初天氣都比較冷，加上我怕昕昕在我們開餐時瞓覺~~~

呢個size 的 minimoto保溫壺已經唔會再出，生昕昕之前買咗一個，可以kepp到半日都覺得熱熱地，所以在mybb land見到賣$98時我買多一個，想起之前在私生醫院生昕昕後奶奶帶炒米茶一日熱一日凍時就明白兩個係方便好多= ="

每次旅行或者去宿營我會帶一些著到就快爛的內衣服、襪，著完在旅行時掉就可以唔洗帶返香港，而且又唔擔心返到香港要洗多一堆野，重點係唔會搞臭個喼，特別係舊年去勁熱的新加坡:P

如果去旅行一星期而又不用轉酒店，考慮可以自己洗內褲一、兩次，之前去大阪蜜月旅行我就係咁做，好過買旅行內褲，因為果D著得冇咁舒服。

護膚品、沐浴露、洗髮露全部都係帶SAMPLE，如果係用完就即掉包裝的就更好，至少唔洗拎返屋企，唔需要特登買，左面係買野送，右面係參加生活易的活動送的^^"

由舊年開始我就用29吋大喼去旅行，老公拖喼，我就可以舒服咁揹昕昕，不過依家昕昕12KG重，所以我今年會用嬰兒手推車，至少佢想瞓都可以舒服D^^"

而我每次旅行都會帶呢個大的agnes b袋，因為夠厚身，而且可以放好多野，裡面有三個暗格，方便我擺唔同GE野，護照、銀包、尿片、濕紙巾、水、口水肩......

2011年7月東京購買，當時半價，約一千元，香港正價二千三左右~~~

另外我會帶一個環保袋，呢個環保袋已經跟我去過四川、上海、東京、大阪、台北、新加坡，因為我好怕處理一大堆膠袋，而且大大個唔洗一抽二袋，依家當然係老公負責拎啦:P

N年前惠康印花加大約十蚊換，以下是我在2009年中秋到四川做義工準備離開時拍攝的^^"

其實我近年旅行都會帶呢部2009年推出的手提電腦，因為佢細細部，之前在大阪蜜月旅行日日都可以打BLOG都係靠佢，依家主要用來 BACK UP旅行影的相^^"

去旅行之前當然要睇返D攻略，以下台灣人的BLOG真係好詳盡，值得推薦！

Windko 韓國首爾自由行攻略

之前參加《晴報》facebook專頁活動得到首爾super bible，另外朋友轉贈的長空旅遊書，依家長空有電話APPS介紹旅遊熱點，大家可以Download來睇=]

其實每次旅行係老公計劃行程，對我來講當然係開心啦！最感謝係老公次次旅行都帶我去當地的男、女童軍總部，讓我可以買些紀念章送給朋友^0^

通常去旅行我都會嘗試學當地語言，今次我終於肯開N年前在城大拎的韓文學習書仔來學韓文^^"

以下是學習基本韓語的網站，係香港電台N年前的節目，大家可以Download PDF文件並列印來學習=W=

大韓風 1 — 主要俾去旅行的朋友學習

 http://rthk.hk/elearning/gogokorea/chapter.htm

大韓風 2 — 主要俾大家學習日常生活對話

http://rthk.hk/elearning/gogokorea2/sub_lesson.htm

大韓風 3 — 感覺似俾人學拍拖用，順便學唱韓文歌

http://rthk.hk/elearning/gogokorea3/

我曾經在大學合唱團學過一首東方神起的 Magic Castle，琴譜在家中，可惜我不懂彈琴，否則真係好想彈來聽>.<

https://www.youtube.com/watch?v=Wnl73uBc2Y0

以下係我們的FACEBOOK專頁連結，裡面會有一些昕昕的生活照片和不同資訊分享^^