2018年4月24日 星期二

懷舊餐廳推介 @ 尼斯餐廳

在復活節假期一開始就病了,4月整個上半月我睇了3次醫生,今個月的有薪病假都拎晒,我呢個有病兼要返工的在職媽媽唯有在家中多休息,原來已經差不多一個月未打過新的BLOG~~~
 
上星期五晚與好友在中西區散步(其實係好友陪我開工就真),當我們行到西營盤正街時想起昕昕爸爸曾經帶我來過一間類近元朗安娜餐廳的尼斯餐廳,上次午餐覺得不錯,今次讓好友試試新野~~~
 
門口已經感覺有少少懷舊~~~
 

 
由於晚上倒不少人晚餐,所以沒有拍攝座位情況~~~
 
晚餐的價錢倒算合理,雖然要加一服務費,但能夠食到大大件的西冷鐵板燒,感覺係值回票價~~~
 
 
一開始就飲餐湯加餐飽~~~

 
好友點了鐵板德國咸豬手,肉感覺唔會韌,大家談論才知道原來好多食肆愛用肉鬆粉調味,令肉更鬆軟好食,相信呢個咸豬手唔會落重肉鬆粉,因為一食落口感覺唔太咸,仲有豬肉味~~~

 
而我就點了七成熟的鐵板西冷牛扒,牛扒同樣肉質鬆軟,而且蒜茸汁味道不錯,望落去大大塊,真係抵食~~~

 
最後大家可以選擇布甸或啫喱或雪糕作為甜品,好多新式的餐廳已經沒有這樣的甜品供應,我就選了芒果布甸,個人最喜歡係有花奶,食落去就好想可以成日食,但如果日日都食得咁豐富,我怕要花更多的時間做運動減肥>.<
 
 
今次晚餐加一總共$198埋單,能夠平均每人$100在晚上食鐵板燒真的幾抵~~~
 
以下是尼斯餐廳的地址:
 
西環西營盤皇后大道西335號
 
以下是我們的FACEBOOK專頁連結,裡面會有一些昕昕的生活照片和不同資訊分享^^ 


生活易推出咗BB成長日記,方便媽媽記錄BB成長片段,我幫昕昕建立咗一個,大家有時間可以參觀=W=


我的網誌~~~
She blog (New)     She blog (Old)
我的飲食分享:
 

 
如有任何Blogger活動邀請或試用,可以聯絡我的電郵:


沒有留言:

張貼留言