在剛過去的北九州五日四夜之旅，我們一行四人住民宿，其實對近年多了去日本的我來講今次正式住民宿，因為舊年在大阪住的只是以青年旅宿模式經營的旅館~~~
我們就在Airbnb預定了COCO House Canal 5minutes from hakata station，在7月去福岡果陣我和昕昕都行過一次去看位置，雖然唔及果次間酒店咁近博多站，不過又估唔到行去博多站真係5分鐘左右係去到，算係幾方便~~~
這間民宿感覺不錯，兩個房間可以打通或門分隔，我就一個人獨霸呢間房~~~
而另外三位朋友就瞓呢間大房，好在年長的夫婦可以瞓埋一張床，如果兩張床分開擺應該感覺好少少~~~
喜歡這裡有電磁爐和廚具供煮食用，有齊雪櫃、微波爐、焗爐、水煲和電磁爐，其實在民宿裡面想自己煮乜食都無問題~~~
雪櫃裡面有調味料、麵包和水~~~
在第四日的晚上我和其中一位朋友到附近的超級市場買肉回去燒熱，感覺好似在牛角咁，我們先將鹽灑在肉上，只是加少少油在鏟上面，在燒肉的時間加上旅程時買的香草來調味，感覺真係好好食，其實間中可以在家自己慢慢燒肉，但代價係自己要花時間清潔>.<
**在日本的超級市場關門前一小時會有特價，買返民宿煮抵過在出面食
刷牙最好自備牙刷，因為Coco提供的牙膏的刷毛比較硬，刷牙後會感覺牙肉有點痛。毛巾就提供足夠五日使用，我個人就冇自備，反而年長的夫婦就自備床單和毛巾~~~
有洗衣機供洗衣服用，我本不喜歡洗衣粉洗衫，所以自備洗衣液和洗衣球，用洗衣機前個人建議最好用清水吉機洗一次，始終唔知佢地之前洗過D乜。我一開始用在卓悅買的洗洗衣機的粉洗機順便洗喼套，唔知係咪我的喼套太污糟，洗衫時D水真係幾濁吓@@
**中間見到紅紅地應該係我個喼套排返出來的布料纖維，我就拎出來清理好再吉機洗一次先至正式洗衫
本身可以將衣服晾在露台，但我個人就怕街上的塵，所以晾在民宿的掛架和浴室的浴簾的橫柱，室內有冷氣都衣服都算快乾~~~
浴室有沐浴用品供應，最大的缺點係冇勾掛衫，幸好我本身有一個價值一蚊的勾仔貼牆，我的團友就用膠袋裝起D衫用勾掛起，花灑掛得太底，要全程拎花灑沖涼>.<
整體來說呢間房子滿有家的感覺，雖然清潔得三星級酒店果種感覺好一般，好在我自己都會清潔好少少才用，總算值得下次再到福岡時入住｡
如果未用過Airbnb的話，可以透過朋友介紹，第一次預定民宿可以節省約百多元~~~
以下是COCO House Canal 5minutes from hakata station的資料連結~~~
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：如有任何Blogger活動邀請或試用，可以聯絡我的電郵：
mandylau55@gmail.com
沒有留言:
張貼留言