仲有幾日昕昕就完成K3的課程，準備放一個較長的暑假（因為昕昕的幼兒園放暑假只有半個月），上星期五昕昕在迪士尼樂園進行畢業旅行，而我就比較不幸地病了，大部份時間由其他人代我照顧昕昕~~~
原來學校團體去迪士尼樂園進行畢業旅行係要晨早出發，樂園開10點，一大班人要0900左右到樂園裡面影畢業相和用畢業相框拍照~~~
學校會派券俾家長在當日晚上8點前到沖印店拎相，係三選一，還包了電子副本，我們一班家長當天已經在Whatsapp開心分享了電子副本，所以我已經齊了三款全級照片:P
由於昕昕學校係混齡學習，所以全級兩班係28加14人，今次畢業旅行只有兩位同學沒有出席，班/級畢業相會有米奇跟大家合照，首先係大家排好位，米奇是最後行入去~~~
之後所有小朋友跟高飛影合照~~~
在沖印店的照片有幾個套餐，$168有一張大相和一個相架，而我們就選了$298有一張大相、兩張細相和一個相架，最重要係可以有電子副本，之後想點印都得:P
每位小朋友仲可以獲得迪士尼樂園的畢業証書一張~~~
之後昕昕就四圍玩~~~
每位畢業的小朋友仲可以獲得畢業襟章一個，頂帽都係送的~~~
昕昕午餐後就由我接手兼幫佢換衫，因為在這之前的時間我在家中休息~~~
當日的天氣太好，加上我本身有微燒，我接了昕昕後就將昕昕交託給同學的爸媽們幫手照顧，讓她可以跟同學們一起四處玩~~~
我獨個兒去了迪士尼的急救室休息，裡面的當值人員為我量度體溫見到有37.4度，血壓正常，給了我退熱貼和一張大毛巾當被讓我睡在小床上休息，我休息了兩、三小時後見退了燒才找回昕昕跟大隊一起到晚上八點左右才離開~~~
昕昕爸爸就在商店買了這些給昕昕保管畢業証書用~~~
而我就見到原價$178的復活兔髮飾4折，喜歡兔仔的昕昕見到已經好開心~~~
好多人會好奇為何本身小朋友們有銀卡，甚至有些人有金卡都願意花多少少錢去迪士尼畢業旅行，其實除了有以上特別的影相服務外，最重要係成班同學可以一齊四圍玩，當日昕昕玩在小小世界、旋轉木馬、黃蜂女和蟻俠遊戲、Iron man的超動感影院玩了兩次都好開心，因為一次係跟家人玩、另一次係跟成班同學入去玩~~~
迪士尼樂團畢業旅行收費間間學校可能有差異，昕昕的學校收每位畢業生$390（不論是否會員），家長$515（會員$215)，三歲或以下免費~~~
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：如有任何Blogger活動邀請或試用，可以聯絡我的電郵：
mandylau55@gmail.com
沒有留言:
張貼留言