今年新曆生日跟6年前一樣都係星期日，果年我和昕昕兩個用各自有的迪士尼銀卡會員的額外票可以一齊星期日入場，果日昕昕都算乖，當我四圍走去影卡通人物時，佢為咗影佢喜歡的卡通人物，自己一個人排足半小時都冇扭計(≧ω≦)/
在樂園玩到五點幾就離開，因為我們去搭接駁巴士享受自助餐，路上見到不少前往欣賞五月天演唱會的樂迷，我和昕昕遇到友善的樂迷借出的道具拍照(*^ω^*)
其實舊年昕昕生日才到這裡晚餐，本身我想去荷李活酒店享受自助餐，沒想到昕昕爸爸都係唔聽我講，仲諗住記返第一次帶昕昕在那裡陪我過生日的回憶，以下係舊文分享~~~
其實翠樂庭自助餐的食物未算吸引，昕昕爸爸呢個懶得思考的人只是老是以為我喜歡這裡的自助餐才到這裡= =”
我們每人都可以點一杯餐飲外，更可以自己斟橙汁飲~~~
這裡的刺身和壽司還可以，如果要食刺身，個人認為最好去食放題~~~
好在這裡的中式食物都仲不錯~~~
麵包望落賣相幾靚~~~
正所謂眼闊肚窄，其實好多食物我只係睇多過食~~~
整個晚餐我吃得比較多係羊架，但感覺唔及舊年果次好食~~~
在離開前我就自己擠軟雪糕和昕昕一齊食，我擠的技術真的未到家，本身我想擠到好似在台灣、韓國食過的軟雪糕咁高又直~~~
不過在自助餐時間我遇上意想不到的事，仲令到昕昕爸爸躺著也中槍，原來依家翠樂庭將所有事前已訂蛋糕的人士一同慶祝生日，中央播放生日歌之餘，卡通人物在中間的地方跳舞助興，當我見到全部人有蛋糕而我冇蛋糕的時候，昕昕爸爸當然係被我嬲足一晚啦( ￣▽￣)σ
而我就只能影鄰枱的小朋友的生日蛋糕留個記念~~~
湊巧早一晚在鴻星晚餐時食完蛋糕個牌放在手袋，我可以自製小型生日蛋糕俾自己~~~
去迪士尼前醒起有朋友留咗套二手的畢業袍俾昕昕，所以我叫昕昕爸爸拎出來，昕昕可以乘機影畢業相~~~
其實昕昕在7月都會到迪士尼樂園進行畢業旅行，到時會戴米奇畢業帽和著學校外借的畢業袍拍照，今次其實當係俾佢影吓畢業相，當係為未來兩個月跟家人影畢業相的熱身:P
整個自助餐最正係有蔘湯飲，雖然整體來說不是特別好食，但個人覺得最令人喜歡和吸引是小朋友不用花時間排隊就有卡通人物主動過來影相，仲有生日壽星慶祝環節，就算價錢貴都算係值得的~~~
以下是我們的FACEBOOK專頁連結，裡面會有一些昕昕的生活照片和不同資訊分享^^
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：如有任何Blogger活動邀請或試用，可以聯絡我的電郵：
mandylau55@gmail.com
沒有留言:
張貼留言