在昕昕的第三日假期，我們和細姨一行五人去小欖燒烤樂園BBQ和玩水，由三聖邨的娘家搭的士去要$50（因為燈位太多），如果大家搭西鐵可以在兆康或屯門總站轉K51接駁巴士到小欖行數分鐘就到~~~
昕昕依家要俾兒童收費，未夠100CM高的小朋友可以免費入場~~~
BBQ場除了有遮陰的座位外，最重要係有風扇抖涼~~~
我們在入場處拎咗餐升盤紙和餐紙就去中間的服務處拎餐具~~~
小欖燒烤場已經開咗N咁多年，相信住在新界大西北的人都聽過，還記得我仍是單身時試過三人BBQ，始終少人BBQ好難買到不同款式的食物，最重要係有開爐服務:P
個人比較欣賞用環保餐具，不用製造太多垃圾~~~
拎食物主要有工作人員即叫即夾，雞翼有四種，一種辣三種不辣，一向怕辣的我當然只拎三款~~~
每人入場先拎一大支蒸餾水，另外每人可以拎一罐飲品，如果要其他飲品或食雪糕就要另外付款~~~
茄子和麵包係自己夾，如果想要牛油，每件2元~~~
除了有BBQ外，大家可以付款玩夾公仔、打麻雀，之前我身邊有不少朋友曾經在此影相打卡到Facebook，反而我近年因為自己屋企天台可以BBQ，所以少咗出去BBQ，真心講幫襯燒烤場的好處係自己唔需要時間準備和收拾 :P
俾5蚊可以玩籃球機，真係抵過冒險樂園~~~
我們燒到後期的時間，昕昕就不斷問幾時可以去玩水，小朋友始終想去玩，大家懂的=]
當我們準備離開BBQ場去 b.duck 沙灘派對時，昕昕係跑過去= ="
呢個係平面圖~~~
大家可以俾10蚊一小時的LOCKER服務，但首先要俾100蚊按金，還匙時會將按金扣了租用費退回~~~
我們可以在更衣室換衫，旁邊的沖水間好似海灘咁係開放的~~~
我在離開時順便洗頭，乘機洗走BBQ的氣味~~~
兩年前在泰國買的Adidas三點式泳裝終於合身，今個夏天可以著住去玩~~~
昕昕在4米高的 b.duck 佈置前拍照，唔知係咪佢學跳舞有一段日子，感覺佢開始識擺POSE~~~
相信每個人由BB時期就喜歡有鴨仔陪住洗白白，昕昕置身的波波鴨仔池真係好吸引，昕昕的90後細姨和我的90後同事先後在此拍照，而我的角色係攝影師>.<
昕昕跟其他在場的小朋友用波波填滿小艇仔，大家見佢得戚到呢~~~
小朋友當然超愛滑梯，呢個只是簡單程度~~~
而呢個高級程度係令我濕身的地方，事關昕昕上咗去之後話驚，我個同事陪佢都唔肯，我只好上去陪佢，昕昕細姨話拍片，點知我和昕昕滑完之後佢冇拍片，我的背部就濕了>.<
而我和兩位90後在左邊的個跑度上不是跑，而是彈彈跳，其實在職場以外的時間，我們都會做點充滿童真的活動來減壓~~~
b.duck 係大人和小朋友都LIKE的卡通，今次昕昕細姨來陪昕昕係因為佢好鍾意 b.duck ，講個秘密俾大家知，昕昕細姨去旅行特登帶 b.duck 公仔去陪瞓，而我當然係帶PC狗公仔啦:P
在 b.duck 沙灘派對場內有攤位售賣相關產品~~~
玩咗一個鐘時昕昕細姨和我的同事就各自外出拍拖，剩下我全程陪昕昕到最後，在清場前的十五分鐘左右有拋水彈活動，昕昕就玩得好開心，到佢換完衫離開時仲話要再來多次，相信小朋友放假上興趣班都未必有去玩咁開心，看到昕昕同學媽媽在Facebook分享一整天上興趣班的時間表（之前那天已經去行山玩水），我覺得當天上午沒有帶昕昕返合唱團而下午有精神去玩決定係正確，偶爾讓小朋友放假去玩才可以享受童年真正的快樂~~~~
以下是相關活動Facebook專頁內容：
燒烤場地址：屯門青山公路小欖段 DD384 LOT253，鄰近水警宿舍
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：
如有任何Blogger活動邀請或試用，可以聯絡我的電郵：
mandylau55@gmail.com
沒有留言:
張貼留言