今次大阪之旅我地買咗大阪周遊券，呢個係大阪遊超抵的懶人包，3300日圓包兩日鐵路兼巴士錢，仲包括不少旅遊點可免費入場*^O^*
在大阪遊的第四日的上午我地去到鐵路大阪市站步行十分鐘左右到天保山的Lego Discovery Center玩，三年前的馬來西亞之旅曾經搭車路過新山Legoland的門口，但昕昕太細個，所以冇入去玩，今次呢個小型lego樂園真係好適合親子遊，因為連我呢個大細路都投入去玩埋一份(^_-)
天保山在五年前的蜜月旅行去過，當時因為周遊券可以免費玩摩天輪和坐船，依家仲可以免費入Lego Center，感覺超抵，Lego Center門票係2300日圓，3歲或以上小朋友全部俾正價，成人必須帶小朋友方可進場，我地冇買周遊券俾昕昕，所以昕昕係俾正價門票入場~~~
入到裡面昕昕就在恐龍地帶砌砌砌~~~
之後我地就玩呢個機動遊戲，身高90cm或以上才可以玩~~~
裡面有不同的滑梯遊戲，迷宮式滑梯係昕昕既喜歡，但唔敢玩太耐的活動，因為佢唔夠高去爬上高處~~
另一個滑梯適合比較細的小朋友玩~~~
裡面有個會定時給大家驚喜報時的大鐘＼(^o^)／
入面有迷你展覽，大阪的特色名勝可以盡收眼底~~~
Lego車仔有跑道俾大家玩，仲有圖教大家點砌架車~~~
入口旁邊呢個遊戲好似迪士尼巴斯光年果度咁玩射擊，不過呢個更好玩，因為部份位置好似玩電視遊戲咁~~~
在離開前我地睇咗兩套唔同的4D微電影，昕昕超享受，掛住睇電影而唔理在miniland睇模型的爸爸(￣∇￣)
Lego Center入面雖然唔係好大，但夠小朋友玩半日，裡面除咗商店仲有小食餐盒發售，相信Lego迷一定會失控~~~
日本名古屋有Legoland，企礙於我假期唔多，所以放棄咗，沒想到酒店附近的商場有相關模型展示，將來昕昕大個d可以帶佢去玩吓(^_-)
以下是我們的FACEBOOK專頁連結，裡面會有一些昕昕的生活照片和不同資訊分享^^
生活易推出咗BB成長日記，方便媽媽記錄BB成長片段，
我的網誌~~~
She blog (New) She blog (Old)
我的飲食分享：
如有任何Blogger活動邀請或試用，可以聯絡我的電郵：
沒有留言:
張貼留言