時間過得好快，原來我成個月冇打blog，只係間中打吓openrice食評（因為op電話apps選擇照片功能太方便）~~~
11月第一個星期五係昕昕學校的親子旅行日，我當日特登請假陪昕昕，但由於太忙的關係，我只係帶零食去，感恩係昕昕果班好多同學的媽媽帶了不少食物，所以我和昕昕有水果和一些熟食充饑(^_^;)
昕昕依家開始記得好多班中同學的名字，想起兩個月前佢只係小朋友或者哥哥、姐姐咁稱呼同學，而老師每月在手冊的分享讓我看到佢的進步^_^
還記得上個月昕昕好多剔在第二行，現在真的進步不少~~~
昕昕就讀的幼兒園主要培養小朋友的自理能力，不會催俗學生，所以昕昕現在只是繼續每天做線條練習~~~
原來昕昕每月還有學習評估報告，原來昕昕的數學概念比較弱-_-#
昕昕對於時間概念的對答係唔識的，問佢幾時，佢的答案係「一時」，問佢點解，反而佢識答「因為……」，由於爸爸本身做言語治療工作，所以上星期六給了他的實習學生當評估練習，真心說我近年開始厭倦玩呢種role play的活動(￣∇￣)
其實言語治療師跟小朋友做評估時，家長在場，小朋友就玩唔同的玩具，首先會了解小朋友的家庭、生活環境和習慣的背景問題，玩玩具係會聽指令做簡單動物，分辨顏色、物件等~~~
昕昕在言語上係有懶音問題，無可否認係我說話太快導致的，佢每次叫校長係冇問題，但加了校長的姓氏就校（hao）變炮（pao），依家昕昕演變成只叫校長，不敢叫校長的姓氏(>﹏<)
昕昕懶床的壞習慣間中出現，相信佢真的要學早點瞓！
昕昕的冬季校服終於在昨天齊晒了，昕昕開學數月開始學會主動在餐前禱告，相信做媽媽的我最感恩就係見到孩子的成長和進步。
好多人問我為何只做兼職唔做全職，其實係我本身想有多些時間照顧昕昕，返兼職的時間靈活點，而且不會擔心有OT，就算我唔返工都唔俾手尾同事，之前做全職的日子我好怕放假俾同事執手尾，或許我的性格太緊張，做全職會好大壓力(>﹏<)
最重要係唔請工人姐姐，身邊好友笑說我的性格太善良，如果請工人姐姐，最後會被工人姐姐欺負，回想坐月有陪月的日子就肯定這事實(￣∇￣)
以下是我們的FACEBOOK專頁連結，裡面會有一些昕昕的生活照片和不同資訊分享^^
生活易推出咗BB成長日記，方便媽媽記錄BB成長片段，
我的網誌~~~
我的飲食分享：
我的護膚品分享：
如有任何Blogger活動邀請或試用，可以聯絡我的電郵：
沒有留言:
張貼留言