時間過得好快，昕昕返學有兩個月啦！今個月我要返全職的工作，所以要奶奶幫手湊昕昕返學和放學，全日制幼兒園主要就係方便我呢d有工作而又冇工人姐姐的媽媽。
到咗10月昕昕每日在學校有點線練習要做，不用回家做，家長只需簽名就完成任務。
習作簿的內容簡單，好適合小朋友，而習作簿背部更有給家長的提示，其中一頂係要家長記得讚賞自己的孩子(^_-)
每個星期會有手冊報告學校教授的內容，其實我本身比較忙，所以簽咗名就算，因為昕昕會主動在家中打開課本唱歌仔或者展示相關圖工給我欣賞^_^
原來學校每個月都會總結小朋友的表現，感恩係昕昕喜歡幼兒園的生活，始終昕昕本身沒有年齡相近的親友，所以佢好喜歡在校園有同學一起遊玩和學習。
看到她的表現尚可已經好足夠，始終我們不能要求小朋友要有完美的表現。
雖然昕昕未能好叻咁解鈕扣，不過佢就在返學後做了一樣令我和家人覺得好「阿美醒」的事－－就係昕昕肯乖乖食藥，想起之前佢每次食藥都會非常掙扎，就算藥已經唧入口都會像火山口咁噴出來，當昕昕婆婆幫我餵完藥之後，忍不住大讚佢的進步(^_^;)
呢個月我因為返全職，所以昕昕俾嫲嫲幫手湊返學，過咗7個上課日，我發現佢好抗拒嫲嫲湊返學，甚至一見嫲嫲就爆喊，起初我以為佢唔慣嫲嫲湊，點知我今日遲一個鐘返工湊佢返學才知道佢怕嫲嫲惡，如果唔係班主任跟我講嫲嫲迫昕昕講班主任姓氏，昕昕都唔會咁驚，昕昕學校行雙班主任制，佢成日只記得其中一位班主任姓氏而已(￣∇￣)
呢兩個月昕昕放假都少咗去玩，因為我假日要返兼職，不過在9月11日帶了昕昕去迪士尼跑100米的活動，始終我係迪士尼的支持者，讓昕昕跑吓，身體都會好d(^_-)
生活易推出咗BB成長日記，方便媽媽記錄BB成長片段，
我的網誌~~~
我的飲食分享：
我的護膚品分享：
如有任何Blogger活動邀請或試用，可以聯絡我的電郵：
沒有留言:
張貼留言