近來我真的越來越懶，少咗打blog= ="
昨晚真係好開心，因為託昕昕爸爸的福氣，我地可以出席迪士尼樂園奇妙處處通會員在晶荷軒的試食活動，自從三年前的生日去了吃自助餐後已經沒有去過香港迪士尼樂園酒店，上年生日都只係去迪士尼好萊塢酒店食自助餐，今次有機會去晶荷軒食中國菜，感覺既特別又開心=w=
其實迪士尼樂園奇妙處處通會員續會多年就有機會獲邀請出席不同的會員活動，昕昕爸爸在2009年5月開始成為迪士尼樂園奇妙處處通會員，因為他在我生日那天開始加入，為了紀念這天，所以他年年都續會，以下是連結係我們去年暑假的活動blog~~~
迪士尼樂園仲夏夜「奇」薈 @ 31-8-2013
屢獲殊榮的晶荷軒，集粵、京、川、滬菜於一身，為客人提供別具迪士尼特色的中菜體驗。晶荷軒的裝潢以高貴典雅的荷花為主題，不論玄關兩旁的玻璃外牆，還是天花的水晶吊燈，都以通透的蓮花裝飾，充分切合「晶荷」的命名。
大家唔留意都唔知果原來度有2238朵荷花，相信大家食一餐飯都數唔晒~~~
由於不能帶小朋友出席，所以只有我跟昕昕爸爸二人同行，所有參加者必須是奇妙處處通會員，到場會核對會員証資料~~~
首先係冷盤「金箔鮮元貝粉皮」，元貝上的麻醬食落去感覺好特別，如果多d醬會更好，因為我喜歡食呢種醬的味道:p
接住係「椰皇金湯海中寶」（酥皮椰皇海鮮湯），呢個湯於2011年獲得由香港旅遊發展局主辦之「美食之旅大賞」的「羹組」金獎。全晚我最like就係佢，我和昕昕爸爸最喜歡飲湯，首先將酥皮整入個湯裡面，品賞湯之餘又有好味的海鮮肉，最難得係椰皇內的椰肉可以拔出來食，搞到我都想學整來食~~~
主菜「雙龍吐珠」（芒果龍蝦酥拼干燒明蝦球）出場，見到龍蝦頭真係嚇一跳~~~
我比較喜歡芒果龍蝦酥的點，反而干燒明蝦球的汁有少少辣令我覺得不夠完美，因為我本身係對辣非常敏感，食咗之後要飲茶中和~~~
第二道主菜係「如魚得水」（蝦餃和石斑餃），呢個點心於2009年獲得由香港旅遊發展局主辦之「美食之旅大賞」的「點心組」至高榮譽金獎。兩朵花上面有魚子，中間的「蓮藕」都可以食架~~~
最後就係原「原隻鮑魚炒飯」（原隻鮑魚配蟹肉瑤柱炒飯）和甜品「白玉逢金露」（楊枝金露拼椰汁凍糕），平時去飲的鮑魚比較硬，但晶荷軒的鮑魚真係軟身，食得好舒服，如果冇果兩條菜，感覺好似美觀好多~~~
甜品是凍上，係我比較喜歡的，因為我最討厭熱的糖水，次次去飲或中式晚宴後都將自己果碗糖水俾人，以前昕昕婆婆次次整甜的燕窩俾我，我立即擰晒手，如果去糖水舖，我只會吃湯圓，相信我的壞飲食習慣都幾難可以改變到~~~
我地除咗享受六道美食外，仲有問答環節，好開心我答中問題，在大廚手上接過禮物，我可以將份禮物拎俾昕昕用~~~
跟司儀Rita閒聊數句，她本身是新城財經台的DJ，我跟佢講起以前在城大合唱團時有位朋友現在做電話節目《愛好音樂》的主持，點知佢話佢都係城大學生，主修英語及傳媒學，原來我地曾經在同一時間在城大出沒過，真係有緣^^"
我地每枱人都跟大廚合照~~~
如果大家有興趣查詢及訂座，可以致電：+852 3510-6000
問題遊戲的禮物包有一份杯墊和飲管，我本身用緊的pochacco環保杯的飲管俾昕昕咬裂咗，依家終於有替換品啦！
由於昕昕爸爸太掛住昕昕，所以我地搭紅色的士返屋企，連隧道費用咗二百四十蚊左右，在嫲嫲屋企玩多一陣才回家~~~
以下連結係我網誌的FACEBOOK FANS PAGE，裡面會有一些昕昕的VIDEO和生活照片分享^^"
我的網誌~~~
如有任何Blogger活動邀請或試用，可以聯絡我的電郵：
mandylau55@gmail.com
沒有留言:
張貼留言