好開心收到SHEBLOG的電郵通知上次的HELLO KITTY TWON BLOG已被選中成為今期的編輯精選文章，我的BLOG能夠被賞識，感覺真的萬分開心^^"
在新加坡旅遊雖然只是短短的48小時，我們去的地方雖然不多，但都覺得好足夠，可能是因為我和昕昕爸爸不是第一次去新加坡旅遊:P
我們在4月17日下午去環球影城，其實我地兩年前蜜月旅行去過大阪的環球影城，今次去感覺會比較細，而兩邊的特色野有部份不同，以下是大阪環球影城的BLOG（其實影咗好多相，但果陣都係懶，仲未完全介紹晒其他部份，有時間都應該要補返D BLOG= ="）
我的蜜月旅行—2012大阪自由行—Day 4 Part 1
我的蜜月旅行—2012大阪自由行—Day 4 巡遊篇
我的蜜月旅行—2012大阪自由行—Day 4 Hello Kitty篇
環球影城的門口總會有這個影相位，就算冇買票入去，大家可以影張相，仲可以到影城外的店鋪買手信，如果想節儉D，可以買SG$2三張的名信片~~~
一入到去就參觀個育嬰室，之前我的BLOG已經介紹咗=]
新加坡環球影城育嬰室
跟住我地準備入去啦！
但未入去就被一對拍PRE-WEDDING的情侶吸引咗我的目光~~~
到果對情侶影完就輪到我地排隊影*^O^*
在其中一間店外拍照，呢個卡通其實我唔識，但之前科大舞蹈學會周年表演都有同學以呢個卡通為主題表演⊙_⊙
今期環球影城有復活蛋(^_^;)
難得影到冇乜人的復活蛋島*^O^*
在不同地方有卡通造型的復活蛋~~~
大阪和新加坡環球影城必定會見到的芝麻街^^
我地一家三口唯一玩過的電動遊戲——Accelerator™，我手抱昕昕排隊，為了入去我講咗個大話，就係話昕昕有兩歲= ="
我地三個人玩，我就轉到想暈，昕昕爸爸好過我少少，昕昕仲厲害，係冇乜反應，原來我地低估了昕昕玩遊戲的反應~~~
感覺呢度裡面活動唔適合BB，所以只是遠觀就足夠:P
我感覺新加坡環球影城和香港迪士尼樂園的大細差不多，但因為買了平的門票，加上門票本身的優惠，就感覺香港迪士尼樂園價格不算優惠（以旅客的角度來看）
雖然有興趣玩，但因為要排隊而放棄了~~~
行到史迪加的城堡，大阪唔會見到，昕昕影相時真係好開心，以為佢入去睇4D電影會好開心，點之在簡介時已經開始扭計，入到去初初仲喊住，好在我將佢用外套包住，安撫到佢令我和昕昕爸爸可以順利睇晒，感覺真係正過香港迪士尼樂園果個:P
SHOP裡面有小朋友現的迷你摩天輪~~~
行到迷失世界，昕昕影相又展露可愛的笑容，果度的FOOD COURT有燒味飯，比較適合中國人，但大概六點就會關門，昕昕爸爸想食都冇得食~~~
在史迪加城堡附近的FOOD COURT主要食炸野~~~
我將現金券換了兒童餐，因為我想要個食物盒= ="
雖然有D想去睇，但我地時間不多，所以只係影相就算~~~
我地不斷去影相~~~
昕昕爸爸最終找到變影金剛的餐廳才有飯食，SG$13.8的餐有雪糕雪條食，而比較幸運係餐飲服務的姨姨見昕昕睡覺中，加上仍地就快收工，而我地晚上要搭飛機，所以私人整咗少少薯蓉俾昕昕，沒想到昕昕好快就醒咗，我俾昕昕食埋仲有剩，最後昕昕爸爸在機場時餸藥食~~~
環球影城餐廳有BB用椅~~~
我地本身三點半玩到大概六點幾，食埋野七點幾離開，感覺真係唔夠時間，如果真係去玩，最好早少少去，預算用五小時逗留都OK~~~
七點幾搭單軌鐵路有好多人排隊，為了儘快去VIVOCITY的超級市場買手信，我地坐倒頭車:P
總括來講，我覺得新加坡環球影城都算不錯，價錢都算合理，如果一家大細去玩都可以考慮吓=W=
以下連結係我們的FACEBOOK FANS PAGE，裡面會有一些昕昕的VIDEO和生活照片分享^^"
我的網誌~~~
沒有留言:
張貼留言