2018年1月26日 星期五

公務員醫療福利堅係正?-非公務員合約僱員有感

之前在Wow blog見到篇講公務員太太福利的blog,其實裡面的內容未夠詳盡,我本身在政府做緊非公務員合約的小薯仔(簡稱為N仔),多年來身邊認識過的新舊制的公務員加埋都近百人,新舊制公務員福利唔同,究竟有幾清楚?

以下是之前被瘋傳的文章:



N仔的衍生係因為回歸後一段時間冇請公務員,在1999年開始正式出現,在1997回歸附近時間最後一批面試後入職的公務員最遲約在1999年初已經截晒,1998年入職的公務員屬於舊制公務員,福利最多,還有退休金,如果入職年數高仲可以選擇全取或半住加長糧......

以下係有提及過N仔的文章~~~

公務員加薪不合理? 更值得關注的其實是……

1999年入職的半新制公務員雖然都有跟舊制公務員有類近的福利,但就已經冇咗子女往外國讀書的津貼,藝人葉翠翠的爸爸係舊制公務員,所以在港讀完初中往外國讀書,但因為大學學費比較貴才回港讀大學,我知道只是因為我曾經做過葉爸爸一星期的消防學生:P

**其實舊制公務員子女在港可以有津貼讀直資學校,大家真的"不可以羨慕,不可以妒忌"~~~

舊制公務員的福利係假期多,印象中在point 11或以下的公務員可累積120日年假,在point 12或以上的公務員可累積180日年假,n年前有位同事為咗陪太太坐月而扣一個月大假,相信只有舊制公務員才可以這樣奢侈~~~

依家新入職的N仔每年可累積12日年假,而我依家份工做兩年雖然有約滿酬金,但肯定冇得續約(因為跟project),冇醫療福利,公務員返工時間睇醫生可以拎到診紙唔扣任何假期,但N仔工作時間睇醫生只能選擇扣病假或年假,試過有次病到傻傻地,午餐時間打到OFFICE附近間政府診所下午1630睇醫生,問咗人事部係唔可以用到診紙,最後我就跟醫生講要下午的病假紙了事~~~

其實身邊唔係所有公務員朋友一有事就睇政府醫生,有朋友自己做公務員,另一半在私人公司工作,有個跟昕昕同年的孩子,孩子病了,寧願享受另一半私人公司的醫療福利都唔用政府醫療福利。

有公務員朋友小病睇完政府醫生後一直未好,最後去私家醫生求診,我也曾經經歷過。眾所周知政府醫生開的藥唔係個個都咁work,有朋友形容好似大學的「獸醫」咁,讀過香港本地資助大學朋友,你們應該明白的( ̄∇ ̄)
 
另外有舊同事(舊制公務員)眼部有問題,寧願靠保險睇私家做手術都唔等政府排期做手術,大家就明白政府醫生唔係個個公務員都想去倚賴~~~

政府公務員的醫療福利詳情可以睇返官方網頁,個人發現最有趣的地方係公務員的單非妻子原來在港生仔係唔需要俾內地人的價錢,跟港人同價~~~
 
 
之前人地所謂的晒命文係有post靚靚的西餐,但大家要記住一分錢一分貨,想食好西係要俾返相等的價錢,唔好以為人地俾普通房的價錢有好西吃= ="
 
仲有能夠上二等房的公務員或家屬都係要睇返自己的職級,我忘記了那個POINT以下的公務員係冇得上~~~
 
 
 
政府的牙科診所係唔多,公務員唔係一排就話有,新界西住的我有朋友係做公務員牙科診所登記,由於昕昕細姨剛加入公務員團隊一年多,我曾經問過負責booking的朋友,在新界西某牙醫診所新症要排一年,昕昕細姨灣仔返工,朋友話她最好book在灣仔的牙科診所,會快D有得睇~~~
 
在新界西和九龍西的牙科診所比較多人睇,身邊有朋友住九龍,經鼓勵下終於去睇牙醫,西九龍診所的新症要接近一年,最後排觀塘新開的牙科診所,半年就有得睇,礙於朋友超過10年冇睇牙齒,要半年內再覆診,不過政府牙科診所只係用最傳統的X光片睇牙,相反現在新一代的牙科診所已經用電腦掃瞄的X光片,仲可以全面咁睇牙,唔好以為公務員免費睇牙好舒服~~~
 
身邊有公務員家屬反映政府牙醫睇牙唔傾向脫恆齒換假牙,在好奇的情況下發現原來政府睇牙係有服務收費,職位高價錢當然要多一點~~~
 
如果大家俾得起錢,又唔想花時間等,不如搵間價錢相宜的牙醫,有幸元朗有間牙醫診所舊年新開張洗牙$280,依家加到$320,雖然唔及以前讀城大果陣俾$50蚊咁平,但起碼不會等得太久~~~
 
以下的網頁係相關的Q & A和其他詳情:

http://www.csb.gov.hk/tc_chi/admin/benefits/1181.html

http://www.csb.gov.hk/tc_chi/admin/benefits/65.html

其實公務員有唔同職系,大家的福利都唔同,可惜我只係個月入萬一的N仔,看了都係得個"恨"字,雖然昕昕爸爸係月入近八萬一個月的專業人士,但我和昕昕沒有任何醫療福利,每月得果四千蚊家用,感恩係現在比下有餘,若返回全職媽媽的日子,相信我真的因為冇錢而弄致抑鬱都似~~~

以下是不同公務員職級的薪酬表~~~

http://www.csb.gov.hk/tc_chi/admin/pay/952.html

如果有幸做到ACO或以下職級的朋友,我大可以恭喜你,因為婚後可以排公屋,但昕昕細姨職位屬主任級,只能在入職一段日子後考慮拎津貼買樓,如果唔係昕昕三姨係智障人士,相信我的家人有機會被踢出公屋,真係要捱貴租~~~

我十多年前認識最遲兼最年輕入職的舊制公務員現在大約39至40歲,雖然他們那些年只有中五學歷就入職政府,但他們可說是最幸運的70後,因為政府有10年沒有聘請公務員,所以他們較年齡相近的新制公務員快被提升(當然要工作表現好),如果有幸找到一個愛你而又係舊制的公務員做自己的另一半,請好好珍惜,因為好的另一半唔係咁易遇到~~~

新制公務員和太太的醫療福利在退休後就會BYE BYE,但舊制公務員係KEEP住有直至人生的終結,而且有重病都包,不過有部份癌症藥物唔包,詳情當然要問醫生啦!

**舊制公務員在榮休前表現良好可以有旅行津貼,配偶有份,每人有約兩萬元,相信呢個係新制公務員極為羨慕的事!

其實唔係人人都習慣做公務員,有朋友曾經做過昕昕細姨的職位,但因為感覺不及私人公司更有挑戰性而離開公務員團隊,昕昕細姨本身的部門工作很忙,在家庭聚會時也忍不住露出了疲勞轟炸後的樣子,年假暫時未夠20日的她每次想去旅行都只能在長假期去,捱貴價機票都冇辦法>.<

我呢個80後N仔雖然有考過公務員,可惜面試準備不足,連waiting list都入唔到,如果將來有機會做到公務員,其實福利唔算多,只是收入穩定,唔需要每隔一段時間轉工作而已~~~

如果大家搵到不錯的私人公司工作,真的好過做新制公務員,至少不用在市民面前被問責,被人話政府有幾衰......

以下是我們的FACEBOOK專頁連結,裡面會有一些昕昕的生活照片和不同資訊分享^^ 


生活易推出咗BB成長日記,方便媽媽記錄BB成長片段,我幫昕昕建立咗一個,大家有時間可以參觀=W=


我的網誌~~~
She blog (New)     She blog (Old)
我的飲食分享:

 
如有任何Blogger活動邀請或試用,可以聯絡我的電郵:

沒有留言:

張貼留言